«Рангли светофор» мавзусига ҳикоя тузиш.
Мақсад: светофор тўғрисидаги тушунчалари шакллантириш, расм юзасидан ҳикоя тузиш кўникмаларини ривожлантириш.
Жиҳоз ва материаллар: мавзуга оид расмлар ва иллюстрациялар; АКТ материаллари; йўл белгилари, рангли доиралар.
Фаолиятнинг бориши:
1. Суратларни кўздан кечириш.
2. Дидактик ўйин: «Сўзларни ажратиб кўрсат».
3. Дидактик ўйин: «Эътиборли бўл».
4. Қисқа ҳикоялар тузиш.
Қўшимча: болалар луғат бойлигига кўпроқ ҳаракатни ифодаловчи сўзларни олиб кириш.
Нимага эътибор қаратилади: сўзлар таркибидаги «С» товушини тўғри талаффуз қилиш.
Тил ва нутқ маркази
Тасвирли ҳикоя: «Ўйинчоқларни топ».
Мақсад: болаларни ўйинчоқ турларини фарқлашга,саволларга тўғри жавоб беришга, оғзаки нутқини ўстириш.
Жиҳоз ва материаллар: ўйинчоқлар: копток, мушукча, қуёнча, айиқча, бузоқча.
Фаолиятнинг бориши:
1. Ўйинчоқлар кўздан кечирилади.
2. Болалар қисқа ҳикоялар тузишади.
3. Ўйин: «Ўйинчоқ турини оғзаки тасвир асосида топ».
4. Тез айтиш: Ғани ғилдиракни ғизиллатиб ғилдиратди. Оқ чойнакка кўк қопқоқ, кўк чойнакка оқ қопқоқ.
Қўшимча: шеърлар ёдлаш.
Нимага эътибор қаратилади: нутқнинг грамматик қурилиши. Гап ва сўзларни тўғри талаффуз қилиш. Тасаввурларини кенгайтириш.
Санъат маркази
Чизиш: «Светофор».
Мақсад: Чизмоқчи бўлган суратини танлаш, унинг композицияси ва рангларини ўйлаш ва танлаш кўникмаларини тарбиялаш. Бўёқ ишлатиш техникасини ўзлаштириш.Ўз иши натижаларини ифодалаб беришни билиш.
Жиҳоз ва материаллар: акварель бўёқлари, мўйқалам, А4 форматли қоғоз, оддий қалам.
Фаолиятнинг бориши:
1. Болалар билан қандай қизиқ нарсаларни кўрганликлари, нималарни билиб олганлари ҳамда айнан нимани чизишни исташлари хусусида суҳбатлашилади.
2. Болаларга чизишдан олдин қоғозни қандай қилиб қулай ҳолатда жойлаштиришларини олдиндан ўйлаб олишлари тавсия қилинади.
3. Жадваллар асосида чизиш.
4. Барча чизилган суратлар кўриб чиқилади ва болалардан ўзларига ёққан расмни танлаб, уларни изоҳлаб бериш талаб қилинади.
Do'stlaringiz bilan baham: |
