1 ҳафта октябрь Олтин куз. Қурилиш, конструкция ва математика

3. Қум билан тажриба. Қум солинган стаканга эҳтиёткорлик билан озроқ сув қуямиз. Қумга тегинамиз. У қандай ҳолатга келади? Ҳўл ва нам бўлди.Сувимиз қаёққа кетди? Сув қумнинг таркибига сингди ва “қулай жойлашиб олди”. Таёқчамизни ҳўл қумга ўрнатишга ҳаракат қиламиз. Сизнингча таёқчамиз нам ёки қуруқ қумнинг қай бирига енгил ва осон ўрнатилади? Сўнгра тупроқ солинган стаканга озроқ сув қуямиз. Стаканда сувнинг тез ёки секин сўрилиш тезлигини кузатамиз. Албатта бу жараён қумдагига нисбатан бир неча баробар секин кечади. Бундан ташқари, сувнинг бир қисми тупроқнинг юзасида шимилмасдан қолиб кетади. Амалга оширилаётган тажрибанинг таъсири ҳамда ошкоралигини таъминлаш мақсадида ҳар иккала стаканга сув солиш ҳамда сувнинг сингиш жараёнларини бир вақтнинг ўзида амалга ошириш мақсадга мувофиқ бўлади. Шунинг учун ҳам турли дарахт кўчатлари ва бошқа маҳсулотларни экишдан олдин деҳқонларимиз ерларни суғоришлари, уруғ қадаш ва унинг ўсиб чиқишида қулайликлар туғдиришини болалар билиб олишадилар.
4.«Ҳўл қумнинг хоссалари». Ҳўл қум кафтимизга олганимизда бармоқларимиз орасидан оқиб тушмасада, қуригунча исталган шаклга келтириш имкониятига эга. Қумлар сувга текканда улар орасидаги ҳаво чиқиб кетади ва қум зарралари ўзаро ёпишқоқлик хусусиятига эга бўлиб қолади.
Қўшимча: қум ва тупроқни таққослаш.
Нимага эътибор қаратилади: тажрибада қатнашиш истагининг мавжудлиги, боланинг қизиқувчанлиги.
Тил ва нутқ маркази
Суҳбат: «Ўт ўчирувчи касби». «С» товуши.
Мақсад: турли касб эгаларига бўлган қизиқишни тарбиялаш, ўт ўчириш машинаси транспорт воситаларини билиш. Таркибида «С» товуши иштирок этган предметлар тасвирланган суратларни томоша қилиш, улар иштирокида гаплар тузиш.
Жиҳоз ва материаллар: ўт ўчириш машинаси; таркибида «С» товуши иштирок этган предметлар тасвирланган суратлар.
Фаолиятнинг бориши:
1. Ўт ўчириш касби тўғрисида суҳбат.
2. Ўт ўчириш машинаси билан танишув. «Биз-ўт ўчирувчилар» шеърини тинглаш.
Қизил-ёрқин машинада
Олға интиламиз биз.
Оғир ва хавфли меҳнат
Кутади бизни доим.
3. Таркибида «С» товуши иштирок этган предметлар тасвирланган суратларни томоша қилиш, улар иштирокида гаплар тузиш.
4. Ўйин: «Сўзни охирига етказ».
Гап десанг қоп-қоп
Иш десанг Кўҳифофдан....(топ).
Олтин ўтда билинади
Одам...(меҳнатда).
Онанинг кўнгли болада,
Боланинг кўнгли...(далада)
Қўшимча: бадиий адабиётларни ўқиш, ҳаёт ҳавфсизлиги асослари юзасидан суҳбат. Суратлар асосида гап тузиш кўникмаларини шакллантириш; нутқ маданияти-мулойим сўзлашга ўргатиш.