1 ҳафта октябрь Олтин куз. Қурилиш, конструкция ва математика

Қўшимча: сайр ва саёҳатларда кузатиш. Китоб ўқиш ва болалар билан суҳбат.
Нимага эътибор қаратилади: қўл бармоқлари кичик моторикасини ривожлантириш.
Санъат маркази
Жамоавий аппликация: «Шаҳар кўчаларидаги машиналар».
Мақсад: турли шакл ва ҳолат ҳамда ҳаракат йўналишдаги машиналарни ясаш. Йўл ва чоррахалар макетини қоғоздан қирқиб ясаш, елимлаш.
Жиҳоз ва материаллар: рангли қоғозлар тўплами, елим, мўйқалам, салфетка, қайчилар.
Фаолиятнинг бориши:
1. Болалар ишлари кўргазмаси,«Бизнинг кўчамиздаги уйлар» мавзусига оид аппликация:. Болалардан кўчада яна нималар етишмаётганлиги тўғрисида сўралади.
2. Видео ролик намойиши: «Шаҳар кўчаларидаги машиналар».
3. Жадвалли аппликациялар. Ҳар бир бола алоҳида мустақил топшириқ асосида ўз тасвирини елимлайди, сўнгра улар умумий композициядан ўз ишларига мос жойни танлаб, жойлаштирадилар.
5. Барча биргаликда ҳосил бўлган композицияни кўздан кечиришади ва яна нималар ҳисобига тўлдириш мумкинлигини айтишади.
Қўшимча: Шаҳар кўчаларида кузатишни амалга ошириш, иллюстрацияларни кўриш, «Бизнинг кўчамиздаги уйлар» мавзусида аппликациялар ясаш.
Нимага эътибор қаратилади: Болаларнинг образли тасаввур ва тафаккурларини ривожлантириш.
Фан ва табиат маркази
Сувнинг хусусиятлари билан танишиш: «Ер юзидаги энг ажойиб неъмат».
Мақсад:болаларнинг жонсиз табиат обьектлари тўғрисидаги тасаввурларини ўстириш – уларни элементар илмий тадқиқот фаолиятига йўналтириш.
Жиҳоз ва материаллар: Телевизор, DVD- ускунаси, слайдлар, глобус, колбалар, 2 кўза сув, пластмасса стаканчаларда ҳар бир бола учун алоҳида сув, термос, кўзгу, шаффоф идишларда муз кубиклари, тошчалар, қоғоз салфеткалар.
Фаолиятнинг бориши:
1. Сув хусусида суҳбат. Видео ролик намойиши.
2. № 1-тажриба. «Сув суюқ – оқиб кетиши мумкин».
3. № 2-тажриба. «Сув муз ҳолатида ҳам бўлади».