1-амалий машғулот. Лабораторияда техник хавфсизлиги қоидалари. Хроматографик

Углерод (IV) xлорид(тетрахлорметан)ни тозалаш 
Техник тетрахлорметаннинг таркибида 4% гача углерод дисулфид 
бўлади. Уни тозалаш учун 1 л тетрахлорметан 50-60°C да 60 г ўювчи калийнинг 
60 мл сув ва 100 мл спиртдаги эритмаси билан 30 дақиқа чайқатилади. У сув 
билан ювилгандан сўнг, ўювчи калийнинг икки ҳисса суюлтирилган эритмаси 
билан яна тозаланади. Тетрахлорметандаги спирт қолдиғи калций хлориднинг 
тўйинган эритмаси ёрдамида йўқотилиб, калций хлорид билан қуритилади ва 
фильтрлаб олиб ҳайдалади. Тоза тетрахлорметан 76,7 
0
C да қайнайди.
Хлороформни тозалаш 
Хлороформнинг таркибида унга стабилизатор сифатида қўшилган 1% 
атрофида этил спирт бўлади. У ўз ҳажмига нисбатан икки ҳисса кам сув билан 
бир неча марта чайқатиб спиртдан тозаланади. Хлороформ сувли қисмидан 
ажратилгач, калций хлорид билан 24 соат қуритилади ва ҳайдалади. Бундан 

---

ташқари, хлороформ озроқ миқдордаги концентрланган сулфат кислота билан 
2-3 марта чайқатиб ҳам тозаланади. Бунда 100 мл хлороформни тозалаш учун 5 
мл концентрланган сулфат кислота олинади. Хлороформ кислотали қисмдан 
ажратилгач, сув билан ювилади ва калций хлоридда қуритилади ҳамда 
ҳайдалади.
Тоза хлороформ 61,2°C да қайнайди. Спиртдан тозаланган хлороформ, 
ёруғлик таъсирида фосген ҳосил бўлмаслиги учун қора ёки қўнғир тусли 
склянкаларда сақланади. 
Петролей эфирни тозалаш 
Саноатда петролей эфир қайнаш ҳароратига қараб 30-50°C (ρ=0,640), 40-
60°C (ρ=0,666) ва 45-70°C (ρ=0,685) ларда фракцияларга ажратилади. Бу 
фракцияларнинг ҳар бири алифатик углеводородларнинг аралашмасидан 
иборат. Техник петролей эфир таркибида тўйинмаган углеводородларнинг 
аралашмалари бўлади. Петролей эфир ҳам бензол каби сулфат кислота билан 
чайқатиб тозаланади. Ҳосил қилинган аралашмадан кислотали қисм ажратиб 
ташлангандан сўнг, петролей эфир калий перманганатнинг 10% ли сулфат 
кислотадаги тўйинган эритмаси билан сувли қисмнинг бинафша ранги 
йўқолмагунча ювилади. Сўнгра петролей эфими сувда ювиб, калций хлорид 
билан қуритилади, сўнгра ҳайдалади.