8-tajriybe: Ammoniy sulfat duziniń tásirinde beloklardi shóktiriw.
Jumis tartibi: Probirkaǵa 2-3 ml qan plazasi yamasa mayek beloginiń eritpesinen salip, ustine ten muǵdarda ammoniy sulfatiniń toyinǵan eritpesinen quyiladi hám jaqsilap aralastiriladi. Nátiyjede ammoniy sulfatiniń yarim toyinǵan eritpesi payda boladi. Bul waqitta qan plazmasi beloklarinan globulinler shókpege tusedi. 6-7 minuttan keyin shókpege tusken globulinler filtrlep ajratip alinadi. Filtratta bolsa albuminler qaladi. Albuminlerdi shóktiriw ushin filtratqa toliq toyinǵanǵa shekem ammoniy sulfat duziniń kristallarinan qosiladi. Nátiyjede albuminler shókpege tusedi hám filtrlep ajratip alinadi.
Probirkaǵa filtrattan 2-3 ml alip ol menen biuret reaktsiyasi ótkeziledi. Reaktsiyaniń nátiyje bermesligi filtratta belok joqliǵinan hám shóktiriw reaktsiyasi toliq ótkenliginen derek beredi.
Albumin shókpeleri filtr qaǵazi menen birgelikte probirkaǵa salinip 4-5 ml suwda jaqsi shayqatilip eritiledi. Eritpe filtrlenedi hám filtrat penen biuret reaktsiyasi ótkeziledi. Filtrattaǵi albumin biuret reaktsiyasina kirisedi hám eritpe hawa reńge boyaladi.
Do'stlaringiz bilan baham: | 
