Qan hám gemoglobin. Búyrektiń sidik jollariniń jumsaq perdesi (ótip atirǵan taslardiń ótkir ushlari tiykarinda) Jaraqatlanǵan qan hám gemoglobin sidikke ótedi. Nátiyjede sidik aralasip, qizil qońir reńge kiredi. Bunday jaǵday qanniń formali elementleri – eritrositler jarilip gemoglobin ajralip shiqqaninda hám payda boliwi múmkin. Buǵan gemoglobinuriya dep ataladi.
Kerekli asbaplar: Shtativ hám probirkalar, Voronkalar. Ximiyaliq stakan. Shiysha pipetkalar. Filtr hám lakmus qaǵazi. Gaz garelkasi.
Reaktivler: Sirke kislotasiniń 1 hám 10% li eritpeleri. Azot kislotasiniń 50% li eritpesi. Natriy siltisiniń 10% li eritpesi.Yodtiń kaliy yodtaǵi eritpesi. Konsentrlengen xlorid kislotasi, kaliy permanganat 2% li eritpesi. Mis sulfat duziniń 1% li eritpesi. Pikrin kislotasiniń toyinǵan eritpesi. Xloroforum. Sidik. Gumis nitrat duziniń 2% li eritpesi. Konsentrlengen azot kislotasi. Bariy xloridtiń 5%li eritpesi. Xlorid kislotasiniń 10% li eritpesi. Shavel kislotasi amoniyli duziniń eripesi. Ammiaktiń suwdaǵi 10% li eritpesi. Molibden reaktivi.
1-tajriybe. Sidik quramindaǵi beloklarǵa tiyisli reaksiyalar. A) Sidik belogin qaynatiw joli menen aniqlaw.
Jumis tartibi: Probirkaǵa 4-5 ml sidik quyilip lakmus qaǵazi járdeminde oniń ortaliǵi aniqlanadi. Egerde sidik kislotali ortaliqta bolsa, onda sidik tuwridan-tuwri qaynatiladi. Egerde sidik siltilii ortaliqta bolsa oǵan 1% li sirke kislotasiniń eritpesinen kislotali ortaliq payda bolǵanǵa shekem qosip jaqsi aralastirilip, keyin ala qaynaǵansha qizdiriladi. Egerde sidik quraminda belok (oniń quramina qarap) aralaspaniń qizdirilǵan bóleginde aq bulit tárizli shókpeler payda bola baslaydi. Bul beloktiń koagulyasiyaǵa ushrawi nátiyjesinde payda boladi.
Do'stlaringiz bilan baham: |
