1-dars: Sud tibbiyotining predmeti. Sud tibbiy ekspertizaning tashkiliy va protsessual asoslari

1.5. 
Sud-tibbiy ekspertizaning protsessual turlari 
Amaldagi qonun hujjatlariga muvofiq sud-tibbiy ekspertizaning quyidagi turlari 
farqlanadi: 
1. 
Birlamchi ekspertiza. Ular murda, tirik shaxslar, ashyoviy dalillar va boshqa 
materiallar bo'yicha tayinlanishi mumkin. Bu turdagi ekspertizalar odatda bir ekspert 
tomonidan o'tkaziladi.
2. 
Komissiyaviy ekspertiza. Ushbu sud-tibbiy ekspertizalar quyidagi holatlarda 
tayinlanadi: 
- 
tibbiy xodimlarning kasb huquqbuzarliklari bilan bog'liq jinoiy va fuqarolik ishlarida; 
- 
mehnat qobiliyatini doimiy yo'qotish darajasini aniqlash uchun; 
- 
tirik shaxsning salomatlik holatini aniqlash uchun; 
- 
tirik shaxslarning yoshini aniqlash uchun; 

---

- 
ayrim o‘ta murakkab holatlarda.
Ekspertiza ekspertlar komissiyasi tomonidan o'tkaziladi, olingan natijalar birgalikda 
tahlil qilinadi. Ekspertlar umumiy fikrga kelgahidan so‘ng birgalikdagi xulosani yoki xulosa 
berishning iloji yo‘qligi to‘g‘risidagi hujjatni tuzadi va imzolaydi.
Ekspertlar yakdil xulosaga kelmagan taqdirda, ular barcha yoki ayrim masalalar 
bo'yicha alohida xulosa berishi mumkin.
3. 
Kompleks ekspertiza. Agar ish uchun ahamiyatli holatlami tibbiyotdan tashqari 
boshqa ilm sohalaridan foydalangan holda bir necha tekshirish o'tkazish yo'li bilangina 
aniqlash mumkin bo'lgan holatlarda kompleks sud-tibbiy ekspertizalar tayinlanadi. 
Masalan, odamlarning shikastlanishi yoki o'limiga olib kelgan murakkab yo'l-transport 
hodisalarida kompleks sud-tibbiy, avtotexnik ekspertiza tayinlanishi mumkin.
Mazkur ekspertizani o'tkazishda har bir ekspert o‘z vakolati doirasida tekshirishlar olib 
boradi. Kompleks ekspertiza xulosasida ekspertlarning har biri qaysi tekshiruvlami va 
qanday hajmda olib borganligi, qaysi holatni shaxsan o'zi aniqlaganligi hamda qanday 
fikrga kelganligi ko‘rsatiladi. Har bir ekspert xulosaning ushbu tekshirishlar bayon etilgan 
qismini imzolaydi va ular uchun javobgardir.
Sud ekspertlari o'rtasida kelishmovchiliklar kelib chiqqan taqdirda, ularning har biri 
kelishmovchiliklar kelib chiqqan barcha yoki ayrim masalalar bo'yicha alohida xulosa 
beradi.
4.