1-Laboratoriya ishi Mavzu: Sifat reaksiyalarini bajarish texnikasi. Laboratoriyada ishlashning umumiy qoidalari

Uchinchi guruh kationlarining xususiy reaksiyalari
Fe²⁺ KATIONINING REAKSIYALARI
1. Ammoniy sulfid (NH₄)₂S temir (II) ni temir sulfid- qora rangdagi cho`kma ko`rinishida miqdoran cho`ktiradi:
FeSO<sub>4</sub>+ (NH<sub>4</sub>)<sub>2</sub>S = FeS↓ + (NH<sub>4</sub>)<sub>2</sub>SO<sub>4</sub>
Fe<sup>2+</sup> + S<sup>2-</sup> = FeS↓
Cho`kma kislotalarda oson eriydi.
Reaksiyaning bajarilishi. Probirkaga 2 tomchi temir (II) sulfat eritmasi va 2 tomchi ammoniy sulfid eritmasi tomiziladi.
2. Uyuvchi ishqorlar temir (II) gidroksidni nim yashil rangdagi cho`kma ko`rinishida miqdoran cho`ktiradi:
FeSO<sub>4</sub> + 2KOH = Fe(OH)<sub>2</sub> ↓+ K<sub>2</sub>SO<sub>4</sub>
Fe<sup>2+</sup> +2OH<sup>-</sup> =Fe(OH)<sub>2</sub>↓
Cho`kma xavoda tez ko`karadi, so`ngra temir (III) gidroksidga oksidlanishi natijasida ko`mir tusga kiradi.
Reaksiyaning bajarilishi. 2 tomchi temir (II) sulfat eritmasiga 2 tomchi ishqor eritmasi qo`shiladi. Turganda rangining o`zgarishi kuzatiladi.
3. Kaliy geksasianoferrat (III) (qizil qon tuzi) K₃[Fe(CN)₆] to`q ko`k cho`kma trunbul ko`kini ajratadi:
3FeSO₄ + 2K₃[Fe(CN)₆] = Fe₃[Fe(CN)₆] ↓ + 3K₂SO₄
3Fe²⁺ + 2[Fe(CN)6]^3- = Fe₃[Fe(CN)₆)₂↓
Cho`kma amalda kislotalarda erimaydi, ammo ishqorlar ta`sirida parchalanadi. Bu temir (II) tuzlariga eng seziluvchan reaksiya. Temir tuzlarining gidrolizini bartaraf qilish uchun reaksiya kislotali muhitda olib boriladi. Reaktivning ortiqchasidan qutilish kerak, chunki uning sariq rangi cho`kmaga ko`kimtir tus beradi.
Reaksiyaning bajarilishi. 2 tomchi temir (II) sulfat eritmasi 1 tomchi suyultirilgan sulfat kislota bilan nordon qilinadi va 1 tomchi qizil qon tuzi eritmasi qo`shiladi.