1-laboratoriya ishi: Sifat reaksiyalarini bajarish texnikasi

3. Ammoniy tuzlari (NH₄⁺ ioni)
Ammoniy tuzlari silikatlar eritmasidan silikat kislotalarni kislotalarga nisbatan to‘laroq cho‘ktiradi. Bu reaksiya gidroliz paytida hosil bo‘ladigan OH^- ionlarining ammoniy tuzi ionlari NH₄ bilan bog‘lanishi natijasida silikat gidrolizi muvozanatining bo‘zilishi tufayli ro‘y beradi:
SiO₃^2- + 2H₂O  H₂SiO₃ + 2OH^-
2OH^- + 2NH₄⁺  2NH₄OH
SiO₃^2- + 2H₂O + 2NH₄⁺  H₂SiO₃+ 2NH₄OH
Agar sovukda cho‘kma tushmasa, eritma bir necha minut suv hammomida isitiladi.
Tajriba: Probirkaga natriy silikat Na₂SiO₃ eritmasidan quyib ustiga cho‘kma tushishi to‘xtagunga qadar NH₄Cl -ammoniy xlorid eritmasidan quyiladi. Agar cho‘kma tushishi qiyinroq ketsa, aralashma suv hammomida bir oz qizdiriladi. Oq iviq cho‘kma filtrlab ajratib olinadi va bir necha marta yuviladi. Hosil bo‘lgan cho‘kmada SiO₃^2- silikat ionlari bor-yo‘qligi bilish uchun eritma bug‘latiladi va qolgan quruq qoldiqni filtr qog‘ozga solib, sirka kislota CH₃COOH qo‘shilgan 0,5% li havorang metilen bo‘yog‘i eritmasi bilan ishlov beriladi. Sovuq suvda bir necha marta yuvilgandan so‘ng havorang metilen bo‘yog‘i bilan ko‘kka bo‘yalgan silikat kislota qoladi. Bu reaksiya silikat kislotasini oq iviq cho‘kmasini shunga o‘xshash Al(OH)₃ qalay va surmaning alyuminatlariga o‘xshash birikmalaridan farqlash uchun ham qo‘llaniladi.


Borat ionlar – B₄O₇^2- va BO₂^- ning xususiy reaksiyalari.
1.BaCl₂ -bariy xlorid bilan o‘tkaziladigan reaksiya.
BaCl₂ buraning konsentrlangan eritmalaridan bariy metaboratning sirka, xlorid va nitrat kislotalari eriydigan oq cho‘kmasini cho‘ktiradi:
Na₂B₄O₇ + BaCl₂+ 3H₂O → Ba(BO₂)₂↓ +2H₃BO₃ +2NaCl
B₄O₇^2- + Ba²⁺ + 3H₂O → Ba(BO₂)₂↓ +2H₃BO₃