1-Ma’ruza: davlat kadastrlarini yaratish va yuritishning normativ huquqiy va nazariy asoslari reja

6-Ma’ruza. Kadastr raqamlarnni hisobga olish.

1. 
   Er uchastkalarining kadastr raqamlarini hisobga olish
   
2. 
   Hududlarni kadastr bo‘yicha bo‘lish ishlarini amalga oshirish bo‘yicha javobgarlik
   
3. 
   Ko‘chmas mulk ob’ektlarining kadastr raqamlarini shakllantirish misollari
   

Er uchastkalarining kadastr raqamlarini hisobga olish
Er uchastkalariga kadastr raqamlarini berish jarayonini tartibga solish va navbatdagi kadastr raqamlarini to‘g‘ri aniqlash maqsadida, berilgan kadastr raqamlari muntazam ravishda hisobga olib boriladi.
Er uchastkalarining kadastr raqamlarini hisobga olish maxsus reestrda elektron kartotekasi sifatida standart dasturlardan foydalanib amalga oshiriladi.
Er uchastkalarining kadastr raqamlarini hisobga olish reestri har bir tumanda (shaharda) mavzelar bo‘yicha elektron shaklida yuritiladi.
Reestrning boshida xududning, zonaning, massivning va mavzening kodi keltiriladi. Kadastr raqamlarini hisobga olish reestrida er uchastkasidan foydalanuvchining nomi, er uchastkasiga berilgan kadastr raqami, er uchastkasidan foydalanish turi, er uchastkasining
maydoni, kadastr raqamining bekor qilinganligi to‘g‘risida ma’lumotlar aks ettiriladi.

Er uchastkalarining kadastr raqamlarini hisobga olish reestri quyidagi tartibda tuldiriladi:

1-ustunda – tartib raqami;
2-ustunda – erdan foydalanuvchi yuridik shaxsning rasmiy qisqartirilgan nomi yoki jismoniy shaxsning familiyasi va to‘liq ismi-sharifi;
3-ustunda – er uchastkasiga berilgan to‘rt razryadli o‘nli son kodi;
4-ustunda – er uchastkasidan foydalanish turi (ma’muriy bino, ishlab chiqarish, do‘qon, oshxona, fermer xo‘jaligi, dehqon xo‘jaligi, turar joy va h.q.);
5-ustunda – er uchastkasining maydoni, gektarlarda;
6-ustunda – kadastr raqami bekor qilingan taqdirda “bekor qilindi” deb yoziladi va er uchastkasining o‘zgartirilishiga asos bo‘lgan hujjat nomi va sanasi yoziladi.