1-ma’ruza. Kvant elektronikasi fanining rivojlanish

1-MA’RUZA. KVANT ELEKTRONIKASI FANINING RIVOJLANISH TARIXI VA BOSHQA FANLAR BILAN BOG‘LIQLIGI

Reja:

1. 
   Kvant elektronikasi fanining maqsadi va vazifalari
   
2. 
   Kvant elektronikasi fanining kashf etilish tarixi
   
3. 
   Kvant elektronikasi fanining boshqa fanlar bilan bog’liqligi
   
4. 
   Xulosalar
   

Tayanch iboralar: Kvant elektronikasi, lazer, kogerentlik, nurlanish

Kvant elektronikasi fanining maqsadi va vazifalari

Kvant elektronikasi – termodinami jihatdan muvozanatda bo‘lmagan kvat sistemalarda majburiy nurlanishning hosil bo‘lishini va shu asosda ishlaydigan kuchaytirgichlarni va generatorlarni o‘rgatadigan fandir.
Kvant elektronikasi — fizikaning yangi sohasi bo‘lib, u kvant sistemasida termodinamik muvozanatsizlik o`rnatilgan bir paytda elektromagnit to‘lqinlarning majburiy (indutsirli) nurlanish effektini qo‘llash hisobiga yorug`likning kuchayishini va generatsiyani hosil qilish usullarini, yaratilgan kuchaytirgich va generatorlarning hususiyatlarini va ularning qo‘llanishlarini o‘rganadi. Kvant elektronikasining asboblari — ko‘pchilikga tanish bo`lgan lazerlardir. Shuning uchun kvant elektronikasi lazerlar haqidagi fanni o`z ichiga oladi.
Lazer (mazer) so‘zi inglizcha so`zlarning bosh harflaridan tashqil tongan: Laseg [Light (microwave) amplification by stimulated emission of radiation] bo`lib, u yorug`likning (o‘ta yuqori chastotali (O‘YUCH) diapazonidagi radio to‘lqinlarning) majburiy (indutsirli) nurlanishi hisobiga kuchayishi demakdir. Bundan ko`rinib turibdiki, mazer va lazer bir-biridan prinsipial jihatdan farq qilmaydigan kvant generatorlaridir. Lekin hozirgi paytda lazerlarga qiziqish katta. Shu sababli bu darslik kursida deyarli lazerlar fizikasi haqida fikr yuritiladi.
Lazer nurlarining kashf qilinishi kvant fizikasi qonunlarining amalda qo`llanishining mantiqiy va muqarrar bosqichidir.