1-маъруза: “локомотивларни таъмирлаш технологияси” фанига кириш режа

1.2 Асосий меъёрий-техник ҳужжатлар

Меъёрий-техник ҳужжатлар (1.1-жадвал) анъанага кўра илмий-тадқиқот ва лойиҳалаш-конструкторлик ташкилотлари томонидан ишлаб чиқилади. Ишлаб чиқиш жараёнида улар назарий тадқиқотлар, лаборатория ёки фойдаланишдаги синовлар натижалари, шунингдек едирилишлар ва умрбоқийлик бўйича умумлаштирилган статистик маълумотлардан фойдаланадилар.
Депо шароитидаги таъмирлаш Қоидалари алоҳида бўлимларга бўлинган ва бир нечта иловаларга эга. Биринчи бўлимда тепловозларни таъмирлашга қўйиш ва таъмирдан кейин қабул қилиш қоидалари белгиланган. Иккинчи бўлим тепловозларни таъмирлаш (қисмларга ажратиш, тозалаш, назорат қилиш, пайвандлаш, термик ишлов бериш, деталларни маҳкамлаш ва бошқалар) бўйича умумий қоидаларга бағишланган. Кейинги бўлимларда ТК-1, ТК-2, ТК-3 теҳник хизмат кўрсатиш ва ЖТ-1, ЖТ-1р ва ЖТ-3 жорий таъмирлар ҳажми ва тартиби белгиланган. Иловаларда тепловоз асосий деталлари ва йиғиш бирликлари учун таъмирлаш ўлчамларига жоизликлар меъёрлари жадваллари келтирилган, тепловозларни реостат синовларини ўтказиш, электр машиналарини синаш ва электр аппаратларини ростлаш шартлари ва талаблари санаб ўтилган.
1.1-жадвал
Асосий техник ҳужжатлар рўйхати

Hujjat nomi	Hujjatni belgilanishi
Teplovozlar электр машиналари чулғамларини компаундлаш, тўйинтириш ва қуритиш учун технологик йўриқнома	105.25000.00275/89 (103.25200.00159)
Тепловозлар, электровозлар, электр пойездлари ва дизел-пойездларни таъмирлашда пайвандлаш ва пайвандлаб қоплаш ишлари бўйича йўриқнома	СТ-З36
Локомотивлар ва мотор-вагон ҳаракат таркиблари чайқалиш подшипникларига эга узелларини таъмирлаш ва техник соз холда бўлишини таъминлаш бўйича йўриқнома	СТ-З30
Дизеллар ва тортув ҳаракат таркиблари ёрдамчи жиҳозлари чайқалиш подшипникларига эга узелларига хизмат кўрсатиш ва таъмирлаш бўйича вақтинчалик йўриқномавий кўрсатмалар	СТ теп-87/1 1
Таъмирлаш заводларида тортув ҳаракат таркиби, узел ва агрегатларни таъмирлаш ва модернизатсиялашнинг асосий шартлари	СТ-СТВР-409
Локомотивлар ва мотор-вагон ҳаракат таркибларида мойлаш материалларини қўллаш бўйича йўриқнома	СТ/940
Тепловозлар электр машиналари детал ва узелларини маркировкалаш ва тамғалаш бўйича технологик йўриқнома	105.25000.00 184
АдГ5О7УХЛ4 ва УИОЗ6МУХЛ4 қурилмаларида электр машиналар якорлари коллекторлари тожлари билан чулғамни пайвандлаш бўйича технологик йўриқнома	105.25000.00395
Електр моторлари якорларини Н синфли иссиқликка чидамлиликка ега КП-99Ид компаундида тўйинтириш бўйича технологик йўриқнома	103.25271.00159
Тепловозлар тортув електр моторлари якорлари валларини юмалатиб мустаҳкамлаш бўйича технологик йўриқнома	105.25040.2.00177
Локомотивлар ва мотор-вагон ҳаракат таркиблари детал ва узелларини бузмайдиган назорати бўйича йўриқнома. Магнит кукунли усул	СТт- 18/1
ТЕ10, 2ТЕ116, М62, ТЕМ2 туридаги тепловозларни ултратовушли назорати бўйича йўриқнома	СТрт- 17/1
Локомотивлар ва електр пойездлари вагонлари деталларини УД2- 102 дастурланадиган дефектоскоп асосида ултратовушли назорати бўйича йўриқнома	СТт- 18/З
Електровозлар, тепловозлар ва ЧМЕ2, ЧМЕ3 маневр тепловозлари тортув елетр моторлари валларини локомотивларни таъмирлаш заводларида УД2-12 дефектоскопи ёрдамида ултратовушли дефетоскоплаш бўйича йўриқнома	СТЕ- 11СТВР- 18
Токли қуритиш ва ултратовушли тўйинтириш учун қурилмалардан фойдаланилган холда қуритиш ва тўйинтириш бўйича вақтинчалик йўриқнома	103.25200.0000ЗР ПКТБл
ТЕ10 тепловозларини ўрта ва капитал таъмирлаш бўйича қўлланма	РК103.11.302-2003
ТЕМ2 туридаги тепловозларини ўрта ва капитал таъмирлаш бўйича қўлланма	РК103.11.304-2003
2ТЕ116 тепловозларини ўрта ва капитал таъмирлаш бўйича қўлланма	РК103.11.305-2003
ТЕП70 туридаги тепловозларини ўрта ва капитал таъмирлаш бўйича қўлланма	РК103.11.306-2003
ЧМЕ3 туридаги тепловозларини ўрта ва капитал таъмирлаш бўйича қўлланма	РК103.11.307-2003
Локомотивлар ва юк вагонларини завод шароитида таъмирлашда техника ҳавфсизлиги бўйича соҳа қоидалари	ПОТ РО 13153- ЖДРМ-946-06

Тепловозларни завод шароитида таъмирлаш Қоидаларида қисмларга ажратиш, тозалаш, пайвандлаш, деталларни тиклаш ва маҳкамлаш бўйича умумий технологик қоидалар, тепловознинг асосий қисмларига қўйиладиган (дизел, ёрдамчи жиҳозлар, електр жиҳозлари, екипаж қисми) иш ҳажмлари, жоизликлар ва техник талаблар бўйича алоҳида қоидалар келтирилган. Қоидаларда деталларни ўлчамлари ва едирилишлари, асосий агрегатларни синаш ва ростлаш меъёрлари келтирилган.
Бундан ташқари, Локомотивлардан фойдаланиш бошқармаси ҳар йили темир йўлларнинг локомотив ҳўжалиги хизматларига “Тепловозларни ишдан чиқиши ва режадан ташқари таъмири таҳлили”ни тарқатади, унда уларни бартараф етиш бўйича чора-тадбирлар келтирилади. Ушбу ҳужжат амалдаги қоидалар ва йўриқномаларга қўшимча бўлиб хизмат қилади.
Раҳбарий ҳужжатлар таркибига, шунингдек, локомотивлардан фойдаланиш, локомотивларга техник хизмат кўрсатиш, таъмирлаш ва тормоз жиҳозларини синаш, ғилдирак жуфтликларини шакллантириш ва текшириш, локомотивларни таъмирлашда пайвандлаш ва пайвандлаб қоплаш ва бошқалар бўйича йўриқномалар ҳам киради.
Локомотивларни таъмирлаш даврида ишлар тартиби тасмали графиклар ва иш белгиловчилар кўринишидаги технологик жараёнлар меъёрлари ва графиклари билан ўрнатилади. Детал ва узелларни таъмирлаш техник ҳужжатлар ягона тизими талаблари асосида ишлаб чиқилган технологик жараёнлар ҳариталарига мувофиқ амалга оширилади.
Юқорида келтирилган ҳужжатлардан ташқари, таъмирлаш даврида қуйидагилар тузилади ёки тўлдирилади:

• 
  локомотив, мотор-вагон ҳаракат таркиблари, темир йўл кранларини таъмирлаш ишларини ёзиш китоби (ТУ-28 шакл), унда бажарилиши лозим бўлган ва меъёрдан ташқари таъмирлаш ишлари ёзилади;
  
• 
  локомотив ҳолатини дастлабки ёзуви (ТУ-23 шакл);
  
• 
  фаолият кўрсатмаётган холда ташишга мўлжалланган локомотив, моторвагон ҳаракат таркиблари, кранларни техник ҳолатини текшириш акти (ТУ-25 шакл);
  
• 
  таъмирлаш, техник хизмат кўрсатиш ва локомотивлар, мотор-вагон ҳаракат таркибларини барча турдаги таъмирлаш ва теҳник хизмат кўрсатишлар оралиғидаги юриш масофаларини ҳисобга олиш китоби (ТУ-27 шакл);
  
• 
  локомотив техник ҳолати журнали (ТУ-152 шакл), унда локомотивни бевосита таъмирга киришидан аввалги техник ҳолати бўйича машинист ёзуви албатта бўлиши керак;
  
• 
  тепловозни техник паспорти (ТУ-9Т шакл), дизел, тортув генератори, тортув електр моторлари, ғилдирак жуфтликлари, насослар, бош резервуарлар ва бошқа ўзаро алмашинувчи агрегатлар ва узеллар паспортлари жамланган холда.
  

Келтирилган ҳужжатларда барча техник кўрсаткичлар, бажарилган таъмирларнинг турлари ва ҳажмлари, қурилишидан таъмиргача босиб ўтган йўли (асосий агрегатлар бўйича), модернизатсия, таъмирлаш даврида алмаштирилган ва асосий деталлар бўйича бажарилган ўлчашлар натижалари бўйича маълумотлар, таъмирлаш санаси, алмаштирилган деталлар ва бошқалар акс еттирилган. Тепловозни таъмирлаш жараёнида алмаштирилган агрегатларнинг паспортлари бир тепловоз паспортидан бошқасига ўтказилади.