1 mavzu Hayot faoliyati xavfsizligini ta’minlash. Hayot faoliyati xavfsizligi haqida tushuncha
Reja:
1.Hayot faoliyati xavfsizligini ta’minlash davr talabi.
2.«Hayot faoliyati xavfsizligining nazariy asoslari» fanini maqsadi.
3.Hayot faoliyati xavfsizligining nazariy asoslarini vazifalari.
1.Hayot faoliyati xavfsizligini ta’minlash davr talabi.
Insonlar faoliyati jarayonida uning xavfsizligini ta’minlash bugungi kunda dolzarb siyosiy masalalardan biridir. SHu sababli, mustaqil Respublikamizda olib borilayotgan ijtimoiy siyosatning asosiy yunalishlaridan biri ham ishchi-xizmatchilar, ayollar va bolalarning, shu jumladan, balog‘at yoshiga etmagan bolalarning mehnat sharoitini to‘g‘ri tashkil etishdan iborat. Hayot faoliyati xavfsizligini ta’minlash ko‘p jihatdan mehnatni to‘g‘ri tashkil etish masalalari bilan uzviy bog‘liqdir.
Hayot faoliyati xavfsizligining nazariy asoslari fani tarkibida inson faoliyatining atrof-muhit bilan aloqasi, mehnat faoliyatidagi xavfsizligi va favqulodda vaziyatlardagi xavfsizligi bo‘limlarini o‘z ichiga qamrab oladi.
Hayot faoliyati xavfsizligining nazariy asoslari bu har qanday ko‘rinishdagi faoliyatda qo‘llanishi mumkin bo‘lgan xavfsizlikni nazariy asosidir.
2.«Hayot faoliyati xavfsizligining nazariy asoslari» fanini maqsadi.
«Hayot faoliyati xavfsizligi » fani qurbonlar va ular natijasida kelib chiqadigan zararlarni kamaytirish va oldini olish masalalarni hal qiladigan fandir. Demak, fanning maqsadi mehnat xavfsizligini chuqur o‘rganish, bilish, tashviqot qilish va insonlarni xavf-xatardan himoya qilish masalalarini o‘rganishdan iborat. Buning ilmiy zamini esa ishlab chiqarishda shikastlanish, kasbiy kasalliklar va ularning sabablarini har tomonlama tahlil qilish, mehnat faoliyatida qo‘llaniladigan asbob va uskunalarning shu jumladan, zamonaviy kompyuter texnikasi va asboblarining xavfsizlik hamda zararlilik darajasini aniqlash, texnologik jarayonlarni mexanizatsiyalashtirish va avtomatlashtirish ishlarini to‘g‘ri tashkil etishdan iborat.
Do'stlaringiz bilan baham: |
