1-Mavzu. Multimedianing tarkibiy qismi. Multimediali ilovalarning qo’llanilish sohalari. Reja

1-Mavzu.
Multimedianing tarkibiy qismi. Multimediali ilovalarning qo’llanilish sohalari.
Reja:

1. 
   Multimediatushunchasi. Multimedia texnologiyaning maqsadi, tarixi.
   
2. 
   Multimedianing texnik va dasturiy tomonlari.
   

3) Multimediali telekommunikatsion texnologiyalardan foydalanish.
1.1.Multimedia tushunchasi.
Multimedia atamasi “multum” – ko`p va “media”, “medium” – muhit, tashuvchi, xabar vositasi ma`nolarni bildiruvchi so`zlar birikmasidan tashkil topgan bo`lib, “ko`p muhitlilik” deb tarjima qilish mumkin.
Multimedia – Bu harakatlanmaydigan tasvirlar va harakatlanuvchi video, animatsiyalangan kompyuter grafikasi va matn, nutq hamda yuqori sifatli tovushlar bilan ishlash imkoniyatini beruvchi interaktiv tizimlardir.
“Multimedia” atamasini talqin qilish bir nechta tushunchalarni birlashtiradi.

• 
  Tovush – tovushni ijro etilishi va saqlanishi, yuborilishi, qayta ishlanishi, tovush yozuviga tegishli barcha narsalar kiradi;
  
• 
  Tasvir – raqamli ko`rinishdagi tasvir olishning barcha usullari, tasvirni qayta ishlash, yuborish, saqlash, turli xil to`plagichlarda aks ettirish va tarqatish;
  
• 
  Video – harakatlanuvchi tasvirlar sifatida qo`yilgan kadrlar ketma-ketligi bilan bog`liq barcha jarayonlar kiradi;
  
• 
  Multimedia hujjatlar – matnni tasvir va tovush bilan birgalikda qo`llanishi;
  
• 
  Multimediali prezentatsiyalar – video, animatsiya, turli xil grafikalar, tovush hamda matnlarni birlashtirish ishini bajaruvchi kompyuter maxsulot.
  
• 
  Multimediali disklar – interaktiv multimediali menyularni multimedia-prezentatsiya bilan birgalikda ishlatilishi;
  
• 
  Multimedia saqlanadigan joy va ma`lumotlar ombori – ma`lumotlarni olish va qidirish texnologiyalarida saqlashda yangicha yondashuvlarni hamda murojaatlar taqsimlanishini yaxlitligini ta’minlashni talab etadigan multimediali ma`lumotlarning katta massivlari;
  
• 
  Multimedia - (inglizchada. multimedia, lotincha multum - ko'p, media, medium - biror narsa to'plangan joy, vosita) - yagona axborot tizimi ko`rinishida tashkilashtirilgan,turli xil ma`lumotlar bilan dialog rejimida ishlash imkoniyatini beruvchi apparat va dasturiy vositalar kompleksi hisoblanadi.