3.5.-diagramma. 2010-2020 yillarda milliy valyutaning almashuv kurslari (so‘m)
Ma’lumki, 2017 yil sentyabr oyidan mamlakatimizda valyuta bozori erkinlashtirildi. SHu davrda erkin valyuta ayirbosh-lash bo‘yicha yurtimizda etarli tajriba to‘plandi. Murojaatno-mada mazkur masalada ham alohida to‘xtalib, iqtisodiyoti-mizning xorijiy valyutaga bog‘liqlik darajasini bosqichma-bosqich kamaytirish kerakligi, shu maqsadda kelgusi yilda valyuta kreditlari ulushini hozirgi 50 foizdan 45 foizga, ya’ni, kamida
2 milliard dollarga pasaytirish lozimligi belgilab berildi. Natijada tadbirkorlar valyutani hozirgidek 4 kunda emas, yarim soatda sotib olishi mumkin bo‘ladi.SHu nuqtai nazardan ham, Murojaatnomada yangi yilda milliy valyutada chiqariladigan xalqaro obligatsiyalar ulushini hozirgi 25 foizdan kamida 40 foizga oshirish zarurligi ko‘rsatib o‘tildi. SHu bilan birga, 2021 yildan banklararo valyuta bozori “onlayn” platformaga o‘tkaziladi va tadbirkorlarga valyutani bevosita bankning o‘zidan sotib olish uchun imkoniyat yaratiladi.
SHuningdek, davlat nomidan tashqi qarz olish kamaytirilib, investitsiya va infratuzilma loyihalariga ko‘proq xususiy kapital jalb etiladi. Masalan, keyingi yilda davlat-xususiy sheriklik asosida 40 dan ortiq yirik va o‘rta loyihalarni amalga oshirish boshlanadi.
Xulosa o‘rnida ta’kidlash joizki, ushbu vazifalarning amalga oshirilishi mamlakatimiz iqtisodiyotini rivojlantirish bilan bir qatorda, hududlarning ijtimoiy-iqtisodiy infratuzilmasi rivojlanishi, bu orqali esa qo‘shimcha ishlab chiqarib chiqarish va xizmat ko‘rsatish sub’ektlarini tashkil topishi, pirovardida esa mamlakatdani ishsizlik miqdorini kamayishi hamda aholining iqtisodiy holati va ijtimoiy hayot tarzi yaxshilanishini ta’minlaydi.
SAVOLLAR
1. Makroiqtisodiy siyosatning asosiy vazifalarini sanab bering.
2. Inflyasiya darajasining iqtisodiyotda tutgan o‘rnini ochib bering.
3. 2017 yildan O‘zbekistonda inflyasiya darajasining oshishining asosiy sabablari nimadan iborat?
4. Davlat byudjeti taqchilligini moliyalashtirishning to‘rt muqobil manbalarini sharhlab bering
5. Mamlakatimizda valyuta bozori erkinlashtirilishi iqtisodiyotga qanday ijobiy natijalar berdi?
Do'stlaringiz bilan baham: |
