Muolaja. O’ziga o’zi xizmat ko’rsatish cheklanganda,o’rinda bemorning tagini yuvish (tashqi jinsiy a’zolarini parvarish qilish)
Ko’rsatmalar: gigienik muolaja.
Tayyorgarlik: bemorga ushbu muolajaning zarurligini tushuntiring, xatto ruhiy qiyinchiliklarda ham.
Jihozlar: parda, suv uchun idish, tuvak salfetka, qo’lqop.
Bemorning holati: klyonkada chalqancha yotish, oyoqlar orasi ochiq, tizzalari bukilgan, tagiga tuvak qo’yiladi.
Bajarilishi (erkaklarda):
1. Qo’lqopni kiying.
2. Extiyotlik bilan bemorning jinsiy olatining boshchasini oching.
3. Salfetka yoki qo’lqopni iliq suv bilan ho’llab, siqing va jinsiy olatning boshchasini arting.
4. Ko’zachadan chot sohasiga suv quyib, salfetka bilan orqa chiqaruv teshigi yo’nalishi bo’yicha harakatlar qiling.
5. Jinsiy a’zo va moyak xaltachasining terisini artib, yaxshilab quriting.
6. Klyonka, tuvakni olib tashlang, qulqopni yeching, pardani oling.
Bajarilishi (ayollarda):
1. Qo’lqopni kiying.
2. Bemorning yon tomoniga turib, bir qo’lingizda ko’zada suv, ikkinchi qo’lingizda salfetkali qisqich ushlab, suvni jinsiy a’zolarga quying; salfetka bilan jinsiy a’zolar yo’nalishi bo’yicha orqa chiqaruv teshigi tomon harakatlantiring, salfetkani har bir harakatdan so’ng almashtiring.
3. Quruq salfetka bilan shu yo’nalishda quriting.
4. Klyonka, tuvakni olib tashlang, qo’lqopni yeching, pardani olib tashlang.
Buyrak va siydik ajratish faoliyati bilan bog’liq muommolar
Buyrak funksiyasining o’zgarishi qonni filtrlash va organizmni chiqindilardan tozalash vazifasi buzilishiga olib kelishi mumkin. Chiqindilar to’planishi shishlar paydo bo’lishi, bir qator muhim a’zolarning buzilishi bilan bog’liq. Siydik ajratish sistemasi funksiyasi buzilishi ko’p uchraydi va ko’p hollarda infeksiya tomonidan qo’zg'atiladi, bu qovuq ichida yoki atrofida yallig’lanishga olib keladi; infeksiya ko’pincha siydik ajratish sistemasi a’zolariga siydik chiqarish kanali orqali kiradi.
Do'stlaringiz bilan baham: |
