1-mavzu: Xorijiy investitsiyalarning mazmun-mohiyati va tasniflanishi

6.5-jadval
Jahon bankining O’zbekistonda amalga oshirgan yirik loyihalari,mln.dol.

	Loyiha xajmi
Salomatlik-2	39,48
Drennaj, irrigatsiya va tuproq hosildorligini oshirish	74,55
Buxoro va Samarqand shaharlarida ichimlik suvi ta’minotini yaxshilash	40,0
Qishloq xo’jalik korxonalarini qo’llab quvvatlash	36,14
Farg’ona vodiysida suv resurslarini boshqarish	65,54

2008-2010 yillarda XTTBning O’zbekistonga nisbatan ishlab chiqqan strategiyasida sog’liqni saqlash, melioratsiya, sug’orish infratuzilmalari, ijtimoiy himoya, kommunal xizmatlar sifatini oshirish, atrof-muhit himoyasiga yo’naltirilgan umumiy qiymati yiliga 90 — 100 mln. dollardan iborat uchta loyihani amalga oshirishni ko’zda tutadi. Ushbu loyihalarni kreditlash Xalqaro taraqqiyot assotsiatsiyasi mablag’lari hisobidan 40 yil muddatga (shundan 10 yili imtiyozli davr) yillik 0,75% stavkada amalga oshiriladi.

Jahon moliyaviy-iqtisodiy inqirozi sharoitida Umumjahon banki guruhi o’z faoliyati samaradorligini oshirish, rivojlanayotgan mamlakatlar ishonchini mustahkamlash maqsadida keng miqyosli islohotlar dasturini amalga oshirmoqda. Umumjahon banki guruhi Prezidenti R.Zellik fikricha, bank tizimidagi islohotlar rivojlanish sohasidagi faoliyati samaradorligini oshirish, mas’uliyatni kuchaytirish va boshqaruvni takomillashtirish, sarflanayotgan investitsiyalar samaradorligini oshirishga qaratilgandir.
XXI asr siyosiy iqtisodi jahonda rivojlanayotgan mamlakatlar o’rnining barqaror ortib borishini hisobga olgan holda yangi iqtisodiy tartibni ishlab chiqishni talab etadi.
2009 yil oktyabrda Istanbul shahrida bo’lib o’tgan Umumjahon banki guruhining yillik Sammitida aktsioner mamlakatlar Jahon bankida rivojlanayotgan mamlakatlar ovoz berish kvotasini minimum 47%ga va yaqin kelajakda 50%ga etkazish to’g’risidagi islohotlar rejasini ma’qulladi.