1. Maydalash jarayonlari haqida umumiy ma`lumotlar Maydalash darajasi va bosqichlari. Maydalash usullari va qonunlari

Maydalash darajasi va bosqichlari

Maydalash jarayonining jadalligi maydalanish darajasiga bog’liq.

Maydalanish darajasi ko`rsatkich bo`lib, foydali qazilmaning eng katta bo`lagining o`lchami maydalash natijasida necha marta qisqartirilganligini ko`rsatadi. Maydalash darajasi i dastlabki mahsulotda joylashgan eng katta ruda bo`lagi diametrini (D_max) maydalashdan keyingi maydalangan mahsulot tarkibidagi eng katta ruda bo`lagi o`lchamiga (d_max) nisbati bilan aniqlanadi.


(3.3)

Ba`zan maydalanish darajasi dastlabki mahsulot va maydalangin mahsulot zarralarining o`rtacha diametri nisbati bilan aniqlanadi.

(3.4)

Amaliyotda donador mahsulot bo`laklarining diametri sifatida g’alvirlashda mahsulot o`tayotgan eng kichik elak ko`zining o`lchami qabul qilingan. Donador mahsulot bo`laklarining o`rtacha diametri, mm, quyidagi formula orqali aniqlanadi

(3.5)

bu yerda γ₁...γ_n -sinflarning chiqishi,%; d₁...d_n - tegishli sinflarning o`rtacha arifmetik diametri, mm.

Maydalash bosqichi bitta maydalash mashinasida amalga oshiriladigan umumiy maydalash jarayonining bir qismini anglatadi.
Maydalangan mahsulot yirikligining yuqori chegarasiga qarab, uch bosqichda maydalanishi farqlanadi:
yirik - 1200 dan 300 mm gacha;
o`rtacha - 300 dan 75 mm gacha;
mayda - 75 dan 10-15 mm gacha.
U holda, yirik maydalash uchun, maydalanish darajasi i<sub>1</sub> = 1200/300 = 4; o`rtacha maydalash uchun i₂ = 300/75 = 4; mayda maydalash uchun i₃ = 75/15 = 5.
Bir necha ketma-ket bosqichda umumiy maydalanish darajasi alohida bosqichlarning maydalanish darajalari ko`paytmasiga tengdir:
i = i<sub>1</sub> i<sub>2</sub> i<sub>3</sub> = 4 • 4 • 5 = 80.
Boyitilgunga qadar foydali qazilmalarni maydalash (yanchish) ning yakuniy yirikligi foydali minerallarning donadorlik o`lchamiga va qo`llaniladigan boyitish usuli bilan aniqlanadi.