1-Modul. Algoritmler haqqında tiykarǵı túsinikler. 1-tema. Esaplawlarda algoritmlerdiń roli

«Algoritm orınlawshısı».

Algoritm orınlawshısı— algoritmde kórsetilgen buyrıqlardı orınlay alatuǵın abstrakt yaki real (texnik, biologik yaki biotexnik) sistema.

Algoritmniń bes tiykarǵı qásiyeti bar.

1. Diskretlilik. Bul qásiyet algoritmlerdi barlıq waqıtta shekli adımlardan ibarat etip bóleklew imkaniyatı barlıǵında, yaǵniy onı shekli sandaǵı ápiwayı kórsetpeler izbe-izligi formasında ańlatıwda.

2. Túsiniklilik. Algoritm onı orınlawshısına (adam yaki mashinaǵa) túsinikli mazmunda bolıwı shárt, bolmasa orınlawshı ápiwayı ǵana ámeldi de orınlay almawı múmkin. Ádette hár bir orınlawshınıń (durısıraǵı olardıń túrleriniń) orınlay alıwı múmkin bolǵan kórsetpeler yaki buyrıqlar ortalıǵı bar, ol orınlawshınıń kórsetpeler sisteması delınedi. Demek, orınlawshı ushın berilip atırǵan hár bir kórsetpe orınlawshınıń kórsetpeler sistemasına tiyisli bolıwı kerek.

3. Anıqlılıq. Orınlawshıǵa berilip atırǵan kórsetpeler anıq mazmunda bolıwı zárúr. Sebebi kórsetpedegi anıqsızlıq mólsherdegi maqsetke erisiwge alıp kelmeydi.

4. Ulıwmalıq. Usı qásiyeti berilgen algoritmniń baslanǵish maǵlıwmatlarıniń ruxsat etilgen iqtıyarıy mánislerine ańlatadı. Basqasha aytqanda, algoritm qandayda bir klassqa tiyisli máselelerdi sheshiwge arnalǵan bolıwı hám baslanǵish maǵlıwmatlardıń ózgertiw arqalı usı klassqa tiyisli turli máselelerdi sheshe alıwi kerek.