1-Modul. Algoritmler haqqında tiykarǵı túsinikler. 1-tema. Esaplawlarda algoritmlerdiń roli

Tarmaqlaniwshi algoritmler

Tarmaqlaniwshi algoritmler óz ishinde bir yaki bir neshe shártti tekseriwshi bloktıń qatnasiwi menen xarakterlenedi. Bul shárttıń orınlaniwin yaki orınlanbawiniń nátiyjesine qarap ol yaki bul ámeldıń orınlawin támiynleydi. Sonıń ushin shárttiń orınlaniwina qarap esaplaw protsesi álbette tarmaqlanadi. Sol menen birge tarmaqlaniwshi algoritm toliq yaki qisqa boliwi múmkin.

Tarmaqlaniwshi algoritmlerdıń xarakterli tárepi bazi bir ámeller blok-sxemada keltirilgen shárttıń orınlaniwi yaki orınlanbawina qarap aniqlanadi. Tarmaqlaniwshi algoritmge mısallar kórip shiǵamiz.

1-mısal. A,B,C sanlari berilgen bolsin. Bul sanlar ishinde eń úlkeniniń kvadrati tabılsın.

Sheshiw: Bul mısaldi sheshiw ushin eki dana san A hám B salistiriladi.

Soń alinǵan natiyjege qarap, yaǵniy olardıń úlkeni úshinshi san bolǵan C menen salistiriladi. Eger S sani salistirilǵan sannan úlken bolsa, onda S sani kvadratqa asiriladi, kerisinshe jaǵdayda salistirilǵan sannıń ózi kvadratǵa asiriladi.

Máseleni sheshiw algoritmi:

1) Sózler arqali algoritmdi táriyplew.

1. A, B,C mánislerin beriw.

2. y = A

3. eger y>=B bolsa, 5 ge bariń.

4. y = B

5. y>=C bolsa, 7 ge bariń.

6. y = C

7. y = y²

8."y" ti shıǵarıń.

9. esaplawdı tamamlań.