1 Romitan nomlari Oromitan-Qadimgi afsonalarda

1 Romitan nomlari
1.Oromitan-Qadimgi afsonalarda;
2.Buxoro,Romtin,Rometan-Narshaxiy "Buxoro tarixi" 1996-yil;
3.Alanmi-Muhammadjonov A.''Qadimgi Buxoro" 1991-yil;
4.Ramisan,Aryamisan,Chorshanbe,Rayomitan-Bartold "Movarounnahrning geografik ocherki"Asarlari 1-tom, 1963-yil;
5.Razmitan-Muhammad Solih "Shayboniynoma" T. 1990-yil.

Romitan qishloqlarining nomlari

1.Bo'yrabof qishlog'i-Bo'yra tayyorlovchilar shu qishloqda yashaganliklari uchun shunday nomlangan;
2.Vag'eni qishlog'i-Keksalarning shohidlik berishicha,qadim zamonda bir boy lashkarboshi o'z qo'shini bilan shu qishloqqa dam olish uchun kelibdi,nariroqda bir to'da odamlar shovqin-suron qilib boyning dam olishiga halaqit beribdi.Boy anjomlarini ot,eshaklarga yuklab yo'lga ravona bo'libdi va bu qishloqning nomini "Vag'eni" (shovqinli) deb nomlabdi;
3.Garmoba-Issiq suv;
4.Galgala qishlog'i-Asad degan usta yashagan bo'lib u gal-gal qilib gapirgan,undan tashqari qishloq odamlari bir birlariga navbat bermasdan gapirishgan shu sababli ham shunday nomlangan;
5.Garonshoh-asl nomi "Karomshoh" bo'lib talafuzda Garonshohga aylangan;
6.Go'jaxo'r-go'ja yeyuvchi;
7.Gavxona-ba'zilar bu joyni sigirxona,molxona tarzida izohlaydi.Nomshunos olim T.Nafasov yozishicha,gov so'zi tojik tilida "chuqur,teran,past joy " ma'nolarida ham qo'llanilgan."Chuqur joydagi qishloq" ma'nosi;
8.Dehiko'na-eski qishloq;
9.Decha-O'zagi "deha" bo'lib "qishloq" degan ma'noni anglatgan;
10.Yoqubshex-Aslida Yoqub shayx ismiga qo'yilgan;
11.Kulola-qishloq aholisi kulolchilik bilan shug'ullangan;
12.Ko'lipalos-ko'l yonida qamishlar ko'p va zich bo'lganidan xuddi palosga (qamishdan to'qilgan bo'yraga) o'xshagan;
13.Lag'laqa-tebranib turuvchi ko'prik nomiga qo'yilgan;
14.Mahalla-"Mahallai qoziyon",ya'ni "Qozilar mahallasi".Hozirgi kunda faqat mahalla nomi saqlanib qolgan;
15.Marziya-"Marziya" ismli qizni nomiga qo'yilgan.U Childuhtaron tepaligida vafot etgan;
16.Labiro't yoki Ko'nabozorjoy-"ro't" forscha ariq, labi-bo'yi,ma'nosini bildirgan.Ko'nabozor deb atalishiga sabab bir paytlar katta bozor bo'lgan;
17.Mug'oncha-Otashparastlar degan ma'noni anglatadi;
18.Miyonsaroy-saroy qabilasining bir tarmog'i bo'lan;
19.Minglar-ming qabilasidan,shuningdek masjidda mimgdan ortiq odam namoz o'qigan qishloq nomi shundan kelib chiqqan bo'lishi mumkin;
20.Mo'zado'zon-tojikcha tikuvchi (etik tikuvchi) degan ma'noni anglatgan;
21.Mulkiholis-mulki hurri xolis qishloqning asli nomi bo'lgan keyinchalik mulkiholis debyuritila boshlangan;
22.Mirishkor-"Mir"-"amir", "Shikor"-"ov",ya'ni "ov hokimi,amiri" degan ma'noni bildirgan;
23.Nazarobod-Nazar ismli shaxs nomiga qo'yilgan;
24.Og'ar-urug' nomidan kelib chiqqan;
25.Peski-Peski nomli qishloqdan suv keltirilganligi uchun shunday nomlangan;
26.Pinjon-Pinijon bobo nomiga qo'yilgan;
27.Rabot-arabcha "karvonsaroy,musofirxona"ma'nolarini bildirgan (F.Qurbonov).Qo'rg'on ma'nosida (T.Nafasov);
28.Respontob-tojikcha "respon-ip",tob-tovlovchi,ya'ni ip tovlovchi" degan ma'noni anglatgan;
29.Sardari poyon va Sardari bolo-daraning quyi qismi sardari poyon,yuqori qismi-sardari bolo bo'lgan;
30.Sariosiyo-tegirmon boshi;
31.Saroy-o'zbek qavmlarining birining nomi.Shuningdek "karvonsaroy" nomidan olingan bo'lishi ham mumkin;
32.Sepatta-patta-yovvoyi holda o'sadigan gulbuttaga o'xshash o'simlik.Se- tojik- uch;
33.So'filar-azon aytuvchi.So'filar yashagan qishloq;
34.Tarnavut-tarnov nomidan olingan;
35.Tag'ori-g'or tagi;
36.Toshrabot-toshdan qurilgan qishloq (toshdan qurilgan bino nomiga qo'yilgan bo'lishi ham mumkin);
37.Temirxo'ja-Abdurahmonboy degan boyni qo'lida ikki nafar temirchi ishlagan,qishloq nomi ularning nomiga qo'yilgan;
38.Urganji-xorazmning Urganji shahridan ko'chib kelgan ikki kishi sharafiga qo'yilgan;
39.Urganjiyon-Urganchdan kelgan savdo karvoni shu yerga qo'nib o'tishgani uchun shunday nomlangan,ya'ni urganchliklar qishlog'i;
40.Hokimullomir-"mullomirning tuprog'i" ya'ni shayxulislom Amir Husayn Mullomir nomi bilan bog'liq;
41.Xo'jabon-avliyo Xo'jaubbon nomi bilan bog'liq;
42.Xo'jalar-musulmon davlatlarda tarqalgan imtiyozli tabaqa nomiga qo'yilgan;
43.Chandir-turkmanlardan tarqalgan urug'ga borib taqaladi."Chelong'u" va Quvvat"jamoa xo'jaliklari hududlarida joylashgan;
44.Chelong'u-qishloq aholisi temirchilik,ya'ni chelangarlik bilan shug'ullangan;
45.Cho'ponlar-Cho'pon Ato degan ulug' bir kishi nomiga,shuningdek qishloqda 7 ta cho'pon o'tgan shularning nomi bilan bog'liq bo'lishi mumkin;
46.Shalg'ami-qishloq dastlab Miryusuf nomi bilan atalgan.Qishloq aholisi amirni kutib olishga qizil salla o'rashgan;
47.Sho'robod-bu qishloqni yerlari suv ichmasdan sho'rlab yotgan;
48.O'zbakon-"O'zbek" etnomimiga tojikcha ko'plik qo'shimchasi qo'shish orqali ushbu joy nomi yasalgan;
49.O'basaroy-Katta saroy;
50.Qalavuron-Marg'ubshoh deganshohning qorovullari shu qishloqda tunagan,ya'ni "qorovullar" demakdir;
51.Qahramon-Qatramon,Qaramon ya'ni "ozgina qoldi";
52.Qoqishtuvon-"qoqa" turkmanchada "oqsoqol","ota", "von-makon,joy"demakdir."kishti-turkmanlarda kemachi" Oqsoqol kemachilar makoni;
53.Qal'ai Chorbog'-qal'adan tashqaridagi bog'larga nisbat berib aytilgan;
54.Qum va Qumrabot-tuproq tarkibidan kelib chiqqan,shuning uchun qishloqlar Qumqishloq nomini olgan;
55.Qaraxoni-B.Karmisheva ma'lumotiga ko'ra qoraxoni xo'jalari yashagan joy bo'lib ular Avliyoota nomi bilan mashhur bo'lgan Qoraxon avliyoning deb hisoblangan;
56.Qo'rg'on-Badal merganning boshchiligida qurilgan qal'aga nisbatan atalgan.Qal'a qoldig'i 1970-yilgacha saqlanib qolgan;
57.G'azberon-qovurilgan g'ozning qisqartirilgan ko'rinishi;
58.Xazorbog'-ming bog' degan ma'noni bildirgan;
59.Qatag'on-o'zbeklar tarkibiga kirgan yirik qabila nomi,Qatag'on tanqis deyishgan;
60.Qiyoton-qiyotlar degani bo'lib o'zbek urug'laridan biri.Mo'g'ulcha "tog'dan oqqan sel"degani;
61.Hofizirabot-qishloq qo'shiqchilariga nisbatan atalgan;
62.Qirqlar-o'zbek qavmlari tarkibiga kirgan eng yirik qabilalaridan biri;
63.Qizilravot-bu yerda qizil soz loydan qurilgan ulkan rabot bo'lgan;
64.Xazortut-ming tut;
65.Avliyoxo'ja-ko'plab avliyolar istiqomad qilishgan;
66.Arablar,arabxona (Arabon)-arablar istiqomad qilishgan;
67.Arobasozon-arava yasovchi ustalar yashagan;
68.Ayronchi-qishloq ayollari kuniga 50-60 litr ayron tayyorlashgan.
69.Alamdor-arabcha bayroqdor.
Tumanda asli 200 ga yaqin qishloq bo'lib,yuqorida ularning ba'zilari izohlab o'tildi.