1-tema. Zamanagóy informaciyalıq-kommunikaciya texnologiyaları hám olardan bilimlendiriw processinde paydalanıw imkaniyatları

1-tema. Zamanagóy informaciyalıq-kommunikaciya texnologiyaları hám olardan bilimlendiriw processinde paydalanıw imkaniyatları.
Zamanagóy informaciyalıq-kommunikaciya texnologiyaları hám olardan bilimlendiriw processinde paydalanıw imkaniyatları. Bilimlendiriw processinde ámeliy programmalar hám multimedia texnologiyalarınan paydalanıw. İnternet tarmaġınıń tiykarġı xızmetleri hám onda maġlıwmat almasıw túrleri. İnternet tálim resursları hám olardan oqıw processinde paydalanıw. Elektron pochta serverlerinde islew.
Joba:
1. Zamanagóy informaciyalıq-kommunikaciya texnologiyaları hám olardan bilimlendiriw processinde paydalanıwdıń imkaniyatları
2. Bilimlendiriw processinde ámeliy programmalar hám bilimlendiriw processinde multimedia texnologiyalarınan paydalanıw
3. İnternet resursları hám olardan bilimlendiriw processinde paydalanıw
4. Elektron pochta serverlerinde islew
Tayanısh sózler: Texnologiya, xabar texnologiyaları, multimedia túsinigi, multimedianıń texnikalıq hám programmalıq támiynatı, virtual keńislik, kompyuter tarmaqları, internet.
1. İnformaciyalıq-kommunikaciya texnologiyaları hám olardan bilimlendiriw processinde paydalanıwdıń imkaniyatları «Bilimlendiriw haqqında»ġı nızam hám «Kadrlardı tayarlawdıń milliy baġdarlaması»nıń qabıl etiliwi Ózbekstan Respublikasında Bilimlendiriw sistemasın keń kólemde reformalawdıń baslanıwı boldı. Bilimlendiriw sisteması dúńya standartları dárejesine jetkeriw usı reformanıń áhmiyetli wazıypalarınıń biri. Jáhánde zamanagóy Bilimlendiriwniń xarakterli tárepi sonda bilimlendiriwdi informaciyalastırıw hám informacion jámiyettiń mútájligin esapqa alġan halda kadrlardı tayarlaw esaplanadı. Bul Ózbekstan Respublikası Bilimlendiriwinde de júzege asıwda, informaciyalastırıw tarawındaġı mámleket siyasatı «xabar resursları, xabar texnologiyaları hám sistemaların rawajlandırıw menen zamanagóy jáhán principlerin esapqa alġan halda milliy xabar sistemasın jaratıwġa qaratılġan». Usı jaġdaylar kadrlardı tayarlaw sistemasında informatika pániniń ornı áhmiyetliligin kórsetip beredi. İnformatikanıń tiykarġı túsinikleriniń biri – bul xabar-kommunikaciya texnologiyaları. Texnologiya grek tilinen (techne) awdarma qılġanda kórkem óner, sheberlik, biliw mánislerin ańlatadı, bular bolsa óz náwbetinde processler.