1-tema. Zamanagóy informaciyalıq-kommunikaciya texnologiyaları hám olardan bilimlendiriw processinde paydalanıw imkaniyatları

Moduldiń maqset hám wazıypaları: Ulıwma orta bilim beriw mektepleri oqıtıwshılarınıń informaciyalıq texnologiyalardan, kompyuter texnologiyalarınan hám ámeliy programmalardan, internet tarmaġı resurslarınan paydalanıw, bilimlendiriw processinde pedagogikalıq dástúriy qurallar járdeminde elektron oqıw resursların jaratıw boyınsha bilim hám kónlikpelerin rawajlandırıw. Moduldiń wazıypaları:
-Ulıwma orta bilim beriw mektepleri pán oqıtıwshılarınıń informaciyalıqkommunikaciya texnologiyaları haqqındaġı bilim hám kónlikpelerin rawajlandırıw;
-Ulıwma orta bilim beriw mektepleri pán oqıtıwshılarınıń bilimlendiriw processinde informaciyalıq-kommunikaciya texnologiyaların qollay alıw kompetenciyaların rawajlandırıw;
-Pedagogikalıq dástúriy qurallar hám Web texnologiyalardan paydalanıp oqıw processin shólkemlestiriw imkaniyatları menen tanıstırıw;
-Pedagogikalıq dástúriy qurallar járdeminde multimedialı hám didaktikalıq elektron oqıw materialların jaratıw kompetenciyaların rawajlandırıwdan ibarat. Modul boyınsha tıńlawshılardıń bilim, kónlikpe, qánigelik hám kompetenciyalarına qoyılatuġın talaplar.
Tıńlawshı: Zamanagóy informaciyalıq-kommunikaciya texnologiyaları hám olardıń túrleri, multimedia hám onıń qurılmaları, internet tarmaqları hám imkaniyatları, internet tarmaġınıń tiykarġı xızmetleri, pedagogikalıq xızmette ámeliy programmalar, pedagogikalıq dástúriy qurallar, Web texnologiyaları, multimedialı elektron oqıw resurslar, informaciya qáwipsizligi sıyaqlı túsiniklerdi biliwi;
Tıńlawshı: - Tálim-tárbiya processin shólkemlestiriw hám nátiyjeliligin asırıwda zamanagóy informaciyalıq-kommunikaciya texnologiyalarınan paydalanıw, elektron formattaġı oqıw materialların jarata alıw kompetenciyalarına iye bolıwı lazım. Moduldi shólkemlestiriw hám ótkeriw boyınsha usınıslar - Bilimlendiriwde zamanagóy informaciyalıq-kommunikaciya texnologiyaları moduli lekciya hám ámeliy shınıġıwlar formasında alıp barıladı. -lekciya shınıġıwlarında bilimlendiriwde zamanagóy informaciyalıqkommunikaciya texnologiyaları haqqında maġlıwmatlar beriledi; ámeliy shınıġıwlarda texnikalıq qurallar hámde ámeliy programmalardan paydalanıw kónlikpeleri úyretiledi.
Moduldiń oqıw rejedegi basqa moduller menen baylanıslılıġı hám úzliksizligi Modul mazmunı oqıw rejedegi «Pedagogtıń kásiplik kompetentligi hám sheberligi», «Tálim-tárbiya processine psixologiyalıq qatnas», «Ámeliy shet tili» blokları hámde «Qánigelik pánler» oqıw modulleri menen izbe-iz baylanısqan halda pedagoglardıń kásiplik pedagogikalıq tayarlıq dárejesin arttırıwġa xızmet etedi. Moduldiń metodikalıq jaqtan úzliksiz izbe-izligi Tiykarġı bólimde (lekciya) pánniń temaları logikalıq jaqtan izbe-izlikte keltiriledi. Hár bir temanıń áhmiyeti tiykarġı túsinikler hám tezisler arqalı ashıp beriledi. Bunda tema boyınsha tıńlawshılarġa jetkiziliwi zárúr bolġan bilim hám kónlikpeler tolıq qamrap alınıwı kerek. Tiykarġı bólim sıpatında qoyılatuġın talap temalardıń aktuallıġı, olardıń mámleketlik talaplarġa hám bilimlendiriw sistemasınıń mútájliklerine sáykesligi, mámleketimizde bolıp atırġan sociallıqsiyasiy hám demokratiyalıq ózgerisler, ekonomikanı erkinlestiriw, ekonomikalıqhuqıqıy hám basqa tarawlardaġı reformalardıń tiykarġı máselelerin qamtıp alıwı hámde pán hám texnologiyalardıń sońġı jetiskenlikleri itibarġa alınıwı usınıs etiledi. Moduldiń bilimlendiriwdegi ornı Tıńlawshılardı bilimlendiriwde informaciyalıq-kommunikaciya texnologiyaları menen tanıstırıw, ámelde qollaw hám sol arqalı bilimlendiriw nátiyjeliligin támiyinlew.