1. Turizm to‘g‘risida tushuncha Turizm turkum (kategoriya) lari

1.8. Turistik infratuzilmalar 
Turistik infratuzilmalar o‘z tarkibiga mehmonxonalar, ovqatlanish korxonalari, aloqa 
yo‘llari yig‘indisi (yo‘llar, shox yo‘llar, aeroportlar, kemalar to‘xtaydigan joylar h.k.), 
kommunikatsiyalar (suv quvurlari, elektr tarmoqlari, markaziy isitish korxonalari, oqova suv 
tarmoqlari, axlat to‘plovchi korxonalar, telefon, aloqa, (pochta bo‘limlari), huquqni himoya qilish, 
jamoat – tartibini saqlovchi idoralar, tibbiyot tashkilotlari, maishiy xizmat ko‘rsatuvchi 
tashkilotlar, do‘konlar, sport inshoatlarini birlashtiradi va turistik xizmat ko‘rsatuvchi korxonalar 
bilan chambarchas holda bog‘langandir. 
Turistik infratuzilmalar turistik zaruriy shart-sharoitlarini, sayyohlarning xavfsizligi, 
sog‘lik-salomatligini ta’minlashga qaratilgan. Ma’lumki, sayyoh uchun qaysi bir joyda tinchlik 
osoyishtalik, maishiy qo‘laylik yaratilgan bo‘lsa, u o‘sha joyga borishga intiladi. Turist 
avtomobildami, poyezddami, mehmonxonadami qisqasi qayerda bo‘lmasin u o‘zini xavf – xatarsiz 
holda sezishi, unga zarurat birinchi yordam ko‘rsatilishi zarur. Moboda zarurat tug‘ilsa, u yer 
kurrasining har qanday joyi bilan bog‘lanish imkoniyatiga ega bo‘lishi, yuqori darajada tibbiyot 
maslahatlari, zaruriy servis xizmati olish imkoniga ega bo‘ladi.
1.9. Ilmiy –texnika taraqqiyoti (yangi texnologiyalar) 
Fan-texnika yutuqlari turizm industriyasi va mehmondo‘stlikda, yo‘lovchilar tashishda, 
axborotlar almashish sohalarida keng ko‘lamda foydalanilmoqda. Havo trasnportida yangi 
zamonaviy tez yurar, yirik passajirlar tashishga mo‘ljallangan havo kemalarning ishlab chiqarilishi 
sababli sayyohlarga xizmat ko‘rsatish rivojlanib bormoqda. 
Temir yo‘l transporti sohasida texnologik omillar borgan sari rivojlanib, o‘z aksini poyezdlar 
qatnovi tezligini oshirilishi bilan ifodalanadi. Hozirgi kunda Yaponiya va Fransiya kabi 
mamlakatlarda tez yurar pasajjir poyezdlar tezligini soatiga 485 km.ga yetkazishga erishildi. Temir 
yo‘l transportining aviatsiya transportidan afzalligi shundan iboratki, temir yo‘l vokzallari shahar 
markazida joylashgan bo‘lib, sayyohlar uchun qulay imkoniyatlar tug‘diradi. 
Telekommunikatsiya texnologiyalari va elektronika sanoatining rivojlanishi kompyuter 
tizimida mehmonxona o‘rinlarini, transportda chiptalarni band qilishga imkon yaratdi. Yangi 
texnologilarning paydo bo‘lishi turistik mahsulotlarni tashkil etishda va ularni sotishda sifat 
o‘zgarishlariga sabab bo‘ldi. Xalqaro turizmning kelajakda rivojlanishi birinchi o‘rinda turistik 
mahsulotlarning takomillashuvi, professional turagentlik tarmoqlarining rivojlanishini, tur 
operatorlar mahsulotlari sohasi, marketing xizmatlarining foydalanish darajasi va inson omillari 
bilan bog‘liqligi bo‘lib hisoblanadi.