1-variant Auditning paydo bo‘lishi va rivojlanishi

Асосий воситалар аудитида фойдаланиладиган маълумот манбалари.
Улар қаторига қуйидагилар киради:

• 
  асосий воситалар бухгалтерия ҳисоби ва солиққа тортиш ма-салаларини тартибга соладиган асосий меъёрий ҳужжатлар;
  
• 
  корхонанинг ҳисоб сиёсати тўғрисидаги буйруги;
  
• 
  асосий воситаларни ҳисобга олишда корхонада қўллани-ладиган аналитик ва синтетик ҳисоб регистрлари;
  
• 
  бухгалтерия ҳисоботлари;
  
• 
  асосий воситаларни қабул қилиш-топшириш (ички силжиш) далолатномаси (нақладнойи) (АВ-1 шакл);
  
• 
  таъмирланган, қайта жиҳозланган ва замонавийлаштирилган объектларни қабул қилиш-топшириш далолатномаси (АВ-2 шакл);
  
• 
  асосий воситаларни ҳисобдан чиқариш далолатномаси (АВ-З шакл);
  
• 
  автотранспорт воситаларини ҳисобдан чиқариш далолат-номаси (АВ-4 шакл);
  
• 
  асосий воситаларни ҳисобга оладиган инвентарь карточка (АВ-6 шакл);
  
• 
  асосий воситаларни ҳисобга оладиган инвентарь карточкалар рўйхати (АВ-7 шакл);
  
• 
  асосий воситалар ҳаракатини ҳисобга оладиган карточка (АВ-8 шакл);
  
• 
  асосий воситаларнинг инвентар рўйхати (ишлатиш жойлари бўйича) (АВ-9 шакл).
  

Аудитор ушбу меъёрий ҳужжатлар, ҳисоб регистрлари ва даст-лабки ҳужжатларда асосий воситалар ҳаракатини расмийлаштириш учун жавобгар шахслар имзоларининг мавжудлиги ва ҳаққо-нийлигига эътибор қаратиб, барча реквизитларнинг тўғри тўлға-зилганлигини аниқлайди.
Аудитор корхонанинг ҳисоб сиёсати тўғрисидаги буйруқда баён қилинган - асосий воситаларни ҳисобга олиш услубиёти билан тани-шиб чиқиши лозим. Бунда хусусан қуйидагиларни аниқлаш зарур:

• 
  объектларни асосий воситалар ва айланма маблағлар қато-рига олиб бориш учун улар қийматининг белгиланган чегаралари;
  
• 
  қийматидан қатъий назар асосий воситалар қаторига олиб бориладиган объектлар рўйхати;
  
• 
  асосий воситалар бўйича амортизация ҳисоблаш усуллари;
  
• 
  асосий воситаларни таъмирлаш учун қилинган харажатларни акс эттириш тартиби;
  
• 
  ҳисобот йилининг 1 январ ҳолатига асосий воситаларни қайта баҳолаш кўзда тутилганлиги;
  
• 
  асосий воситаларни инвентаризация қилиш муддатлари;
  
• 
  асосий воситалар мавжудлиги ва ҳаракатига доир муома-лаларни ҳисобга олиш учун ишчи счётлар режасида белгиланган счётлар рўйхати.