1. Xorijiy investitsiyalarni jalb qilishni rag`batlantirish. O’zbekiston respublikasida xorijiy investitsiyalar ishtirokidagi korxonalarga berilgan imtiyozlar

Sarmoyadorlarining sarmoya solishdan asosiy manfaatlari

• Tabiiy boyliklardan foydalanish imkonini olish hamda yangi bozorlar kashf etish va iqtisodiga kirib borish
• Malakali ishchi resurslariga kam xarajat sarf qilib, yuqori iqtisodiy samara olish
• Dunyo bozorida rakobatga bardosh beradigan tovarlarning yangi turlarini yaratish uchun ilmiy izlanish va texnik yangiliklar natijasidan foydalanish
• Iqtisodiy va moliyaviy imtiyozlarga ega bo’lish

Rivojlanayotgan mamlakatlarning xorijiy sarmoyadorlarni jalb qilishdan asosiy strategik maqsadlari:

- xorijiy zamonaviy texnika va texnologiyadan foydalanish;

- ichki jamgarmani kushimcha manbalar bilan tuldirish;

- ishlab chiqarish samaradorligini oshirish uchun xorijiy boshqaruv tajribasidan foydalanish;

- importni qisqartirish hisobiga valyutani tejash;

• asosan tayyor sanoat mahsulotlari hisobiga eksportni kengaytirish;
• mahalliy iqtisodiyotni muvozanatlashtirishga erishish.

Har qanday xorijiy sarmoyador qo’shma korxona tashkil qilishdan oldin bu tadbir uning uchun qanday va qancha iqtisodiy, ijtimoiy samara berishi xaqida oldindan tahlil qilib ko’radi. Agarda sarmoyador ixtiyoridagi boylik iqtisodiy samara bermas ekan, u xech qachon o’zga bir davlatda qo’shma korxona ochmaydi. Binobarin, xorijiy sarmoyador uchun shunday iqtisodiy va huquqiy shart-sharoit yaratib berish kerakki, pirovardida, ular ham, mamlakat ham iqtisodiy, ijtimoiy va siyosiy samara olsin.