10-мавзу. Корхона устав, қўшилган ва заҳира капиталлари ҳаракати билан бо

10-мавзу. Корхона устав, қўшилган ва заҳира капиталлари ҳаракати билан боғлиқ муомалалар аудити (4 соат).
1-маъруза (2 соат)
Режа:
10.1. Аудитни ташкил этиш ва ўтказиш тартиби. Аудитни маълумот манбалари.
10.2. Устав капитали шаклланиши қонунийлигини текшириш.
2-маъруза (2 соат)
Режа:
10.3. Қўшилган капитал шаклланиши қонунийлигини текшириш.
10.4. Захира капитали шаклланиши қонунийлигини текшириш.
10.1. Аудитни ташкил этиш ва ўтказиш тартиби. Аудитни маълумот манбалари.
Korxona ustav kapitali uning ustavi va ta’sis shartnomasiga muvofiq qoidaga ko‘ra, ta’sischilarning hissalari hisobiga barpo etiladi. U korxona-ning xo‘jalik faoliyatidan olinadigan foydasi hisobiga, zarur bo‘lganda ta’sischilarning maqsadli badallari hisobiga ham to‘ldirilishi mumkin.
Korxona ustav kapitaliga hissa sifatida binolar, inshootlar, qurilmalar va boshqa moddiy qiymatliklar: er, suv va boshqa tabiiy resurslardan foy-dalanish huquqlari, Shuningdek, boshqa mulkiy huquqlar (shu jumladan, kashfiyotlardan foydalanish uchun, «NOU XAU» va boshqa nomoddiy aktivlar); qo‘shma korxona ishtirokchi davlatlarining valutalaridagi erkin ayirboshlanadigan valutalarda pul mablag‘lari qo‘shilishlari mumkin.
Ustav kapitalini auditorlik tekshiruvidan o‘tkazishdan maqsad, ustav kapitalining holati aks ettiriladigan moliyaviy hisobot ko‘rsatkichlarining ishonchliligi hamda uni hisobga olish uslubiyatining me’yoriy hujjatlarga muvofiqligi to‘g‘risida fikr shakllantirishdan iborat.
Tekshiruvni korxona yuridik maqomini va ustavida belgilangan faoli-yat turlarini, ta’sischilar va ular ulushlarining tarkibi hamda summasini, ustav kapitalining moliyaviy-xo‘jalik faoliyatini amalga oshirish uchun yetarliligini aniqlashdan boshlash maqsadga muvofiq.
Ta’sis hujjatlari, ustav kapitalini shakllantirishga doir dastlabki huj-jatlar, hisob registrlari va hisobot ma’lumotlarini tekshirish quyidagi tartib-da amalga oshiriladi:
– ta’sis hujjatlari (ustav, ta’sis shartnomasi) mavjudligi, shakllari va to‘g‘ri rasmiylashtirilganligi;
– ta’sis hujjatlari mazmunining amaldagi qonunchilak va me’yoriy hujjatlar talablariga muvofiqligi;
– ta’sischilar ulushlarining ustav kapitaliga to‘liq va o‘z vaqtida qo‘-shilishi;
– ta’sischilar mulk shaklida qo‘shadigan ulushlarining to‘g‘ri baho-lanishini tekshirish;
– ustavda ko‘rsatilgan faoliyat turlarining qonuniyligini tekshirish;
– ustav kapitali hajmining ta’sis hujjatlari va O‘zbekiston Respublikasi qonunchiligiga muvofiqligi;
– ustav kapitalining to‘liq va to‘g‘ri shakllantirilganligi;
– ta’sischilarning ustav kapitaliga o‘z ulushlarini qo‘shish bo‘yicha yakuniy hisob-kitoblar uchun qonunda belgilangan muddatlarga rioya qilinishi;
– ustav kapitalini shakllantirishga doir muomalalarning buxgalteriya hisobi schyotlarida to‘g‘ri aks ettirilganligini tekshirish;
– ustav kapitaliga ulushlarning haqiqatan ham qo‘shilganligini aniqlash;
– ustav kapitali hajmi o‘zgarishining asosliligi, ustav va ta’sis shart-nomasining qayta ro‘yxatdan o‘tkazilganligini hamda bu haqda tegishli hisob registrlari va hisobotda aks ettirilganligi.