10-Mavzu: Xalqaro iqtisodiy integratsiya. Reja: Xalqaro iqtisodiy integratsiyaning mohiyati, ko‘rinishlari

2. Yevropa Ittifoqi tashkilotlarining tashkil topish mexanizmi.

1946-yil 19-sentabr kuni Buyuk Britaniyaning sobiq tashqi ishlar vaziri Winston Churchill Syurix universitetida soʻzlagan nutqida AQShga oʻxshagan „Yevropa Qoʻshma Shtatlari“ tuzishni taklif etadi.
Yevropa ittifoqi (YI) — oʻzida xalqaro tashkilot va federativ davlat xususiyatlarini mujassamlashtirgan davlatlar-aro uyushma. Dastlab Yevropa hamjamiyati nomi bilan atalgan.
Yevropa Ittifoqi — Yevropaning 27 davlatidan iborat siyosiy va iqtisodiy birlashmadir. Yevropa Ittifoqi 1992 yilda imzolangan Maastrixt shartnomasiga binoan tuzilgan va 15 davlatni oʻz ichiga olgan. 2005 yilda Ittifoqning birinchi yirik kengayishi yuz berdi. Unda Ittifoqqa 10 ta yangi davlatlar qoʻshildi. Ikki yildan soʻng ular soniga Bulgʻoriston hamda Ruminiya davlatlari qoʻshilib, hozirgi davrga qadar Yevropa Ittifoqi 27 davlatlardan iborat.
YEIning maqsadlari:
1.

• Yevropa xalqlarining mustahkam ittifoqini vujudga keltirish, ichki chegaralari boʻlmagan makon yaratish, iqtisodiy va ijtimoiy oʻzaro taʼsirni kuchaytirish yoʻli bilan muvofiqlashtirilgan uzoq muddatli iqtisodiy taraqqiyotga yordam berish;

2.

• iqtisodiy va valyuta ittifoqini tashkil qilish va yagona valyuta yaratish;

3.

• birgalikda tashqi siyosat olib borish va xavfsizlik borasida siyosat yuritish, kelgusida esa birgalikda mudofaa siyosatini ham olib borish yoʻli bilan xalqaro sohada oʻziga xos bir xillikni qaror toptirish;

4.

• adliya va ichki ishlar sohasida hamkorlikni rivojlantirish;

5.

• umumiy boylikni saqlab qolish va koʻpaytirish.

Yevropa Ittifoqi organlari
Yevropa Ittifoqi Kengashi
Yevropa komissiyasi
Yevropa parlamenti
Yevropa Ittifoqi sudi
Yevropa Markaziy banki
Yevropa Ittifoqi Kengashi
A'zo davlatlar va hukumatlar rahbarlari va ularning o'rinbosarlari-tashqi ishlar vazirlaridan tashkil topgan Yevropa Ittifoqining eng yuqori siyosiy organi. Kengash Yevropa ittifoqini rivojlantirishning asosiy strategik yo'nalishlarini belgilaydi. Siyosiy integratsiyaning umumiy yo'nalishini ishlab chiqish Yevropa Kengashining asosiy vazifasidir. Uning yig'ilishlari yiliga kamida ikki marta — Bryusselda yoki raislik qiluvchi davlatda, shu vaqt ichida Yevropa Ittifoqi Kengashini boshqaradigan a'zo davlat vakili raislik qiladi. Uchrashuvlar ikki kun davom etadi.