11. 1-mavzu: turizmni rejalashtirishda investision dasturlarni qo’llash. Ma’ruza mashg’uloti rejasi

11.1.2. Investitsion dasturlarni moliyalashtirishni tashkil etish. 
 
Investitsion dastur joriy variantlarini ishlab chiqish jarayonida har bir 
variantning samaradorligi, tavakalchilik darajasi va resurs ta’minoti hajmi 
baholanadi. Qabul qilinadigan investitsion dastur joriysida quyidagi moliyaviy 
ta’minotlar tashkil etiladi: moliyalashning tashkiliy shaklini baholash va tanlash, 
moliyalash manbalarining tarkibiy tuzilishini aniqlash, moliyaviy ta’minot 
monitoringi. 
Umumqabul qilingan investitsion dasturlarni moliyalash manbalari tasnifi 
quyidagi belgilar bo’yicha olib boriladi: 
1.Egalik qilish nuqtai nazaridan: 
• o’z tamonidan 
• qarz 
• jalb qilingan 
2.Egasiga ko’ra: 

---

• davlat investitsion resurslari (byudjet, nobyudjet, davlat mulki v.h); 
• rasmiy moliya – kredit tashkilotlari (banklar, investitsiya va pay fondlari, 
nodavlat pensiya fondi, sug’urta va lizing firmalari v.h) ning investitsion resurslari; 
• individual investorlarning moliyaviy vositalari; 
• xorijiy investorlarning investitsion resurslari; 
• jamoaviy investitsiyalar (aktsionerlik jamiyati v.h) 
3.Egalik qilish darajasiga ko’ra: 
• davlat darajasidagi (makrodaraja); 
• mintaqa darajasidagi (mezodaraja); 
• viloyat darajasidagi (mikrodaraja); 
• tashkilotlar, komples, tarmoqlar darajasidagi (mikrodaraja). 
Har bir moliyalash manbai o’z xususiyatlari va foydalanish shartlariga ega, 
shuning uchun moliyalashni tashkil etishda moliyalashning mumkin bo’lgan 
shaklining ijobiy va salbiy oqibatlari tahlili o’tkaziladi va aniq investitsion dastur 
joriysi uchun samaralirog’i tanlanadi. 
Moliyalashning asosiy shakllariga quyidagilarni kiritish mumkin: 
1) qarzli moliyalash: 
- moliyaviy strukturaga ijarani kiritish; 
- jamoaviy obligatsiyalar chiqarish; 
- lizing asosida.