11-Amaliy mashg‘ulot. Muvofiqlikni baholash organlarida inspektsiya nazoratini amalga oshirish tartibi

Akkreditatsiya to‘g‘risidagi guvohnomaning amal qilishini tugatish 
 
Akkreditatsiya to‘g‘risidagi guvohnomaning amal qilishi quyidagi hollarda 
tugatilishi mumkin: 

---

• akkreditatsiya ob’ekti akkreditatsiya to‘g‘risidagi guvohnomaning amal 
qilishini tugatish to‘g‘risida ariza bilan murojaat qilsa; 
• yuridik shaxs (akkreditatsiya ob’ekti) tugatilsa; 
• akkreditatsiya ob’ekti tomonidan guvohnoma amal qilishining to‘xtatib 
turilishiga sabab bo‘lgan holatlar Markaz tomonidan belgilangan muddatda 
bartaraf etilmasa; 
• akkreditatsiya sohasi buzilsa; 
• guvohnoma soxta hujjatlar va ma’lumotlardan foydalangan holda olinganligi 
aniqlangan bo‘lsa. 
Akkreditatsiya to‘g‘risidagi guvohnomaning amal qilishi akkreditatsiya 
komissiyasining qaroriga ko‘ra Markaz tomonidan tugatiladi. 
Akkreditatsiya to‘g‘risidagi guvohnomaning amal qilishini tugatish to‘g‘risidagi 
ma’lumot qaror qabul qilingan kundan boshlab bir ish kunidan kechikmay 
Markazning veb-saytida joylashtiriladi va akkreditatsiya ob’ektiga yozma ravishda 
xabar yuboriladi. 
Akkreditatsiya to‘g‘risidagi guvohnomasining amal qilishi akkreditatsiya 
komissiyasining qabul qilgan qarori to‘g‘risida ma’lumot Markazning veb-saytida 
joylashtirilgan sanadan boshlab tugatiladi. 
Akkreditatsiya to‘g‘risidagi guvohnomaning amal qilishi tugutilgandan keyin 
akkreditatsiya uchun takroriy ariza kamida olti oydan keyin berilishi mumkin. 
Akkreditatsiya 
to‘g‘risidagi 
guvohnomaning 
amal 
qilishini 
tugatish 
to‘g‘risidagi ma’lumotlar akkreditatsiya sohasidagi tegishli Davlat reestrlariga 
kiritilishi lozim.
 
Appelyatsiyalarni ko‘rib chiqish 
 
Akkreditatsiya ob’ekti akkreditatsiya yoki inspektsiya nazorati natijalari 
bo‘yicha akkreditatsiya komissiyasining unga nisbatan salbiy qarori chiqarilsa, 
akkreditatsiya komissiyasining qarori qabul qilingan sanadan boshlab o‘n kalendar 
kuni mobaynida Markazga yozma shaklda apellyatsiya berish huquqiga ega. 
Apellyatsiya komissiyasining qarori qabul qilingan sanadan boshlab o‘n 
kalendar kundan ortiq muddatda berilgan apellyatsiyalar ko‘rib chiqilmaydi. 
Apellyatsiya komissiyasi har bir apellyatsiyani ko‘rib chiqish uchun zaruratga 
ko‘ra shakllantiriladi. Apellyatsiya komissiyasi tarkibi Markaz direktorining 
buyrug‘i bilan tasdiqlanadi. Apellyatsiya komissiyasi tarkibini shakllantirish va 
tasdiqlash muddatlari apellyatsiya olingan kundan boshlab uch kundan ortiq 
bo‘lmasligi kerak. 
Apellyatsiya komissiyasining tarkibi, baholovchilar, jalb qilinadigan texnik 
ekspertlar, shu jumladan xalqaro ekspertlar orasidan appelyatsiya bergan 
akkreditatsiya ob’ektini baholashda ishtirok etmagan va akkreditatsiya komissiyasi 
tarkibida bo‘lmagan Markazning kamida uch vakilidan shakllantiriladi.
Markaz apellyatsiya bergan akkreditatsiya ob’ektini va baholashni o‘tkazgan 
guruh rahbarini apellyatsiya ko‘rib chiqiladigan sana haqida xabardor qiladi. 

---

Apellyatsiya bergan akkreditatsiya ob’ekti vakili va guruh rahbari apellyatsiyani 
ko‘rib chiqishda ishtirok etishlari mumkin. 
Apellyatsiya komissiyasi berilgan apellyatsiyani ko‘rib chiqadi va qabul 
qilingan qaror to‘g‘risida akkreditatsiya ob’ektiga yozma ravishda ma’lum qiladi. 
Appelyatsiyani ko‘rib chiqish muddati u berilgan sanadan boshlab o‘n kalendar 
kundan oshmasligi kerak.
Ko‘rib chiqilgan apellyatsiya natijalari bo‘yicha apellyatsiya komissiyasi 
quyidagi qarorlardan birini qabul qiladi: 
• akkreditatsiya komissiyasining qarorini o‘zgarishsiz qoldirish va 
apellyatsiyani qanoatlantirishni rad etish; 
• apellyatsiyani qanoatlantirish. 
Akkreditatsiya komissiyasining qarorini o‘zgarishsiz qoldirish va apellyatsiyani 
qanoatlantirishni rad etish to‘g‘risidagi qaror agar: 
• apellyatsiya ushbu Nizom talablari buzilgan holda taqdim etilgan bo‘lsa; 
• apellyatsiyada keltirilgan sabablar tasdiqlanmasa qabul qilinadi. 
Apellyatsiyani qanoatlantirish to‘g‘risidagi qaror qabul qilinsa, Markaz 
tomonidan akkreditatsiya to‘g‘risidagi guvohnomani berish yoki akkreditatsiya 
to‘g‘risidagi guvohnomaning amal qilishini tasdiqlash haqida qaror qabul qilinadi.
Markaz ikki ish kunidan ortiq bo‘lmagan muddatda qabul qilingan qaror 
to‘g‘risidagi xabarnomani apellyatsiya bergan akkreditatsiya ob’ektiga yozma 
shaklda yuboradi.
Aynan bir masala bo‘yicha apellyatsiyani takroran berishga yo‘l qo‘yilmaydi. 
Apellyatsiya komissiyasining qarori yuzasidan qonun hujjatlarida belgilangan 
tartibda sudga shikoyati qilish mumkin. 

---

11.1-jadval