11-mavzu. Etika fanining predmeti va jamiyat hayotidagi ahamiyati

15-MAVZU. DINIY EKSTREMIZM VA TERRORIZMNING MOHIYATI, SHAKLLARI VA G’OYAVIY ILDIZLARI.

1. 
   Diniy ekstremizm, terrorizm va mutaassiblik tushunchalarining mohiyati.
   
2. 
   Diniy ekstremizm va terrorizmning tarixiy hamda g’oyaviy ildizlari.
   
3. 
   O’zbekistonda diniy ekstremizm va terrorizmga qarshi kurash.
   
4. 
   Zamonaviy diniy harakatlar va sektalar faoliyatining yo‘nalishlari.
   

Mаvzuning tаyanch iborаlаri: ekstremizm, diniy ekstremizm, aqidaparastlik, mutaassiblik, fanatizm, sаlаf, sаlаfiylik, tеrrоrizm, xаlqаrо tеrrоrizm, vаhhоbiylik, islоmоfоbiya, shаriаt.

1. 
   Diniy ekstremizm, terrorizm va mutaassiblik tushunchalarining mohiyati.
   

Tarixdan ma’lumki, turli toifa, guruh, harakat va hatto yolg‘iz shaxslar o‘zlarining ba’zan hokimiyatni egallash, goh osonlikcha katta miqdordagi boylikka ega bo‘lish yoki jamiyatda obro‘-e’tibor qozonish kabi maqsadlariga erishish yo‘lida barcha vositalarni ishga solganlar. Shunday vositalar qatorida – din va e’tiqod kabi kishilarning eng nozik tuyg‘ularidan ham foydalanganlar. Diniy e’tiqod, agar noto‘g‘ri yo‘nalishga burib yuborilsa, jamiyat va davlatlarning kushandasi bo‘lgan ixtilof, nizo va hatto qonli urushlarga ham sabab bo‘ladi. Afsuski, bunday urinishlar hozir ham yo‘q emas. Biroq shuni yaxshi bilishimiz kerakki, bunday paytda yolg‘iz qurol emas, undan foydalanadigan inson o‘q otadi, dinlar emas, odamlar o‘zaro urushadilar. Begunoh insonlar qoni to‘kiladi, oilalar barbod bo‘ladi, bolalar etim, ayollar tul qoladi. Din esa bunday harakatlarni aslo oqlamaydi. Balki u insoniyatni doimo tinchlik, totuvlik va taraqqiyot sari chorlaydi.
Ekstremizm (lotincha – “aql bovar qilmas darajada”, “haddan oshish”) –jamiyatda qabul qilingan qonun-qoidalarga zid bo‘lgan, keskin radikal qarashlar va harakatlar. Bunday harakatlarga diniy tus berish diniy ekstremizmga olib keladi.