Homilador ayol kelib tushgan kunida qin tekshiruvlari zaruratga qarab o‘gkaziladi. Platsenta oldinda joylashganligiga gumon qilinsa, qin tekshirishlari operatsiya xonasida o‘tkaziladi. Shuningdek, yetarli miqdorda kleyonka xaltada saqlanadi, dezinfeksiyalangan, to‘shaladigan kleyonkalar ham bo‘lishi zarur. Har bir ayol tekshirib ko‘rilgandan keyin foydalanilgan kleyonkalik to‘shak maxsus ajratilgan idishda dezinfektant bilan zararsizlantiriladi. Protsedura xonasi Protsedura xonasida tahlil uchun tomirdan qon, inyeksiyalar, homiladorlarga tomir orqali dori yuborish, qon quyish va boshqa amallar bajariladi.Ushbu xonada: 2 ta javon, 2 ta stol, 1 ta stul, kushetka, suyuq va surtma dorilar, qon guruhlarini aniqlash uchuk zardoblar saqla nadigan muzlatgich, qon quyish uchun shtativ, dorilar uchun seyf bo‘lishi lozim. Javonlarning birida dorilar, dori tarqatish uchun emal idishda menzurkalar, ikkinchisida – qon guruhlarini aniqlash uchun likopchalar, Petri kosachalari, suv termometri, 3–4 ta Koxer qisqichlari, suv hammomi, qon quyish uchun steril sistema saqlanadi. Stolning birida mato va dokadan tayyorlangan shariklar hamda niqoblar saqlanadigan biks, steril shpris va ignalar joylashtiriladi. Ikkinchi stol qon quyishda va boshqalarda foydalaniladi.
Do'stlaringiz bilan baham: |
