12-Mavzu Kichik biznes va tadbirkorlikning mohiyati va mazmuni

savdo sanoat palatasi hududiy bo‘limlari, axborot maslahat markazlari tashkiliy masalalarda xizmat ko‘rsatish bilan birga biznesga oid maslahatlar ham beradi;

ko‘pgina nodavlat tashkilotlar ham yordam beradilar. Ular ko‘pincha maslahat berish xizmatini va o‘qitishni taklif etadilar;

biznes sohasidagi buxgalterlar, yuristlar va kon­sultantlar texnik-iqtisodiy asoslashning ayrim qism­lari ustida ish olib borilayotganda yordam berishlari mumkin;

tanlangan faoliyat sohasida ishlagan va tajribaga ega bo‘lgan kishilar aniqroq, ushbu ish faoliyatiga yaqinroq maslahatlarni berishlari mumkin;

bankka kredit olish uchun murojaat qilgan tadbirkorlarga ko‘pchilik vaqtlarda banklar ham yordam beradi.

12.7. Biznes g‘oyani tanlash
Biznes g‘oyadan boshlanishi hammaga ma’lum, lekin har doim ham biznes g‘oya to‘g‘ri tanlanadimiq Biznesning muvaffaqiyati to‘g‘ridan to‘g‘ri tanlangan g‘oyaga bog‘liq. Biznesni boshlamoqchi bo‘lgan erkaklar va ayollar o‘z imkoniyati, bilimi, ko‘nikmasi, dunyo qarashidan kelib chiqib biznes g‘oya tanlaydilar. Qanday qilib to‘g‘ri biznes g‘oya tanlash mumkin. Mazkur savolga quyidagi mashq javob beradi (1-shakl).
1-shakl

Asos Biznes g‘oya	1-asos	2-asos	3-asos	4-asos	5-asos
1-biznes g‘oya
2-biznes g‘oya
3-biznes g‘oya
4-biznes g‘oya
5-biznes g‘oya

O‘z imkoniyati, bilimi, ko‘nikma va tajribasidan kelib chiqib, beshta biznes g‘oya tanlanadi. Tanlangan har bir biznes g‘oyani tanlashiga asos bo‘lgan beshtagacha sabab ko‘rsatiladi. Olingan asos biznesning muvaffaqiyati, bajariladigan ishning daromadini oshirishiga sabab bo‘lishi shart. Biznes g‘oya biznes yo‘nalishdan farq qilishini esdan chiqarmaslik kerak. Aks holda biznes g‘oya tanlanishida mukammallik hosil bo‘lmaydi. Biznes yo‘nalishlar biznesning umumiy ko‘rinishi bo‘lib, shug‘ul­lanadigan ish haqida aniq ma’lumot beradi, ular quyidagilar: ishlab chiqarish, xizmat ko‘rsatish, savdo. Biznes g‘oya biznes yo‘nalish tarkibidagi aniq faoliyatdir. Mashq bo‘yicha misol quyidagi shaklda keltirilgan (2-shakl).

2-shakl
Biznes g‘oyadagi biznes yo‘nalishga doir faoliyat turlari