13-bob. Strategiyani tadbiq etish: madaniyat va sardorlik

Madaniy qadriyat va me’yorlarni nafaqat e’lon qilish, balki kompaniya madaniyatiga singdirish lozim.


xodimlarni o’qitish dasturiga qadriyatlarni va etik kodekslarni kiritish;

nomzodlarni ishga qabul qilishda qadriyatlar va etik kodekslar talabini nazarda tutish;

qadriyat va etik kodekslarni targ’ibot va nazorat qilishda kompaniya prezidentidan tortib brigadirgacha qatnashishini ta’minlash;

targ’ibot jarayoniga shaxsan oliy rahbarni sidqidildan kirishishi;

verbal targ’ibot.

Djonson va Djonson kompaniyasining etik kodekslari

Biz shifokorlar, hamshiralar, bemorlar, onalar va bizning mahsulotimizdan, xizmatimizdan foydalanadigan boshqa insonlar oldida javobgarmiz. Ularni talablarini qondira turib, hamma sohada yuqori sifatni ta’minlashimiz shart. Ma’qul keladigan narxlarni ta’minlash uchun past xarajatlarga erishishimiz kerak Xaridorlarning buyurtmalarini tez va aniq bajarish lozim. Bizning ta’minotchilarimiz va distribyuterlarimiz ma’qul keladigan foydani olishlari lozim Biz butun dunyo bo’yicha faoliyat ko’rsatayotgan xodimlarimiz oldida javobgarmiz. Har bir insonga shaxs sifatida munosabatda bo’lish lozim. Har bir xodimni inson sifatida hurmat qilish va uning xizmatlarini e’tirof etish lozim Xodimlar o’z ish joylari uchun xotirjam bo’lishlari kerak. Takdimlanish odilona va to’liq hajmda bo’lishi mehnat muhiti esa ekologik va xavfsiz bœlmog’i lozim Xodimlar taklif va shikoyat qilishda erkin bo’lishlari kerak. Munosib xodimlar uchun bandlik, o’sish va yuqori lavozimga erishish imkoniyatlari teng bo’lishi kerak. Malakali rahbarlikni ta’minlash lozim, rahbarlarning harakatlari esa odilona va etik me’yorlarga mos kelishi maqsadga muvofiq.

Biz faoliyat ko’rsatayotgan hudud va jahon hamjamiyati oldida javobgarmiz. Biz qonunparvar grajdanlar bo’lishimiz kerak, yaxshi niyatni, insonparvarlikni qo’llab-quvvatlashimiz va soliqlarni odilona to’lash burchimizdir. Biz bilim olishni va sog’liqni saqlashni qo’llab-quvvatlashimiz kerak. Bizga ishonib topshirilgan mol mulkni asrashimiz unga yaxshi munosabatda bo’lishimiz, atrof muhitni va tabiat resurslarini himoya qilishimiz kerak. Biz aksionerlarimiz oldida javobgarmiz. Korxonalar imkoniyatga mos keladigan foydani berishlari lozim. Biz yangi g’oyalarni sinab ko’rishimiz kerak. Ilmiy tadqiqotlarni o’tkazishimiz, yangiliklarni tadbiq etish dasturini yaratishimiz va xatolar uchun javob berishimiz kerak. Yangi texnologiyani joriy etish, yangi mahsulotlarni ishlab chiqarish va yangi xonalarni jihozlash zarur. Noqulay vaziyatlarda foydalanish uchun zahiralar yaratish lozim.

Agar biz yuqorida keltirilgan qoidalarga amal qilsak, aksiyadorlarning har biri investisiya kapitaliga nisbatan munosib manfaat oladi.
Etik kodekslar to’g’risida gapiradigan bo’lsak, xom ashyolarni sotib olish, sotish va siyosiy manfaatlarni ko’zlaydigan bo’limlarga bog’liq vaziyatlarga alohida e’tiborni qaratish zarur. Ikki xil talqin qilinadigan vaziyatlarni aniqlashtiradigan va tartibbuzarlikka yo’l qo’ymaydigan etik me’yorlar faoliyat samaradorligini ta’minlaydi.
Qadriyatlarga va etik me’yorlarga amal qilish har bir tashkilotga va kompaniyaga singib ketgan bo’lishi lozim. Ishga yollanmoqchi bo’lgan har bir nomzodning fe’l-atvorini, o’tmishini va qadriyatlar tizimsini jiddiy o’rganish, uni kompaniya madaniyatiga qanday mos kelishini tahlil etish strategiyani amalga oshirishga xizmat qiladigan komandani yaratishni yengillashtiradi. Umuman olganda, qadriyatlarni singdirilishi va etik me’yorlarning talab etilishi madaniyatni shakllantirish bo’yicha uzluksiz faoliyatni ajralmas qismi sifatida qaralishi lozim.