13-Mаvzu. Gidroksil, kаrbonil vа kаrboksil guruhli birikmаlаr. Reja

Тўйинган бир атомли спиртларнинг физик хоссалари

Спиртларнинг кимёвий хоссалари. Бир атомли спиртлар кимёвий жиҳатдан нисбатан фаол бирикмалар бўлиб, улар ОН – гуруҳдаги водород атоми, ҳамда ОН - гуруҳ боғланган углеводороддаги водородлар ҳисобидан кимёвий жараёнларга кириша оладилар.

Бир атомли спиртлар нейтрал характерга эгадирлар. Аммо улар жуда кам даражада амфотерлик ҳусусиятини намоён қиладилар.



Уларга ишқорий металлар билан таъсир этилганда гидроксил гуруҳининг водороди металл билан алмашади ва алькоголятларни ҳосил қилади:


Алькоголятларга сув билан таъсир этилганда улар осон парчаланадилар:


Спиртлар менарел кислоталар билан ўзаро таъсир эта оладилар. Бунда оралиқ модда сифатида оксоний бирикмалари ҳосил бўлади:



Бу бирикмалар қиздирилганда галоид алкил ва сувга парчаланадилар:




Спирталар кислородли менерал кислоталар шунингдек органик кислоталар билан эфир ҳосил қилиш (этерефикация) жараёнларига кириша оладилар:



Диметилсульфат (СН₃)₂SO₄ кучли метилловчи агент, аммо у ўта заҳарли бўлганлиги учун кам ишлатилади. Спирталар билан органик карбон кислоталар орасида борувчи жараённинг аҳамияти ғоят каттадир. Чунки бу жараён натижасида ҳосил бўладиган бирикмалар озиқ-овқат саноатида. Пластмасслалар олишда, эритувчи сифатида ва бошқа соҳаларда кенг кўламда ишлатилади.

Бу жараён қайта характерга эга бўлиб, мувозанат кислота катализаторлигида ўнгга, ишқор (асос) катализаторлигида эса чапга силжийди. Чапга борувчи жараённи совунланиш дейилади, чунки бу жараён натижасида совун (ва унга ўхшаш моддалар) ҳосил бўлади.

Спиртлардан сувнинг ажралиш жараёни (дегидротация) икки хил йўналишда содир бўлиши мумкин: жараён сувни тортиб олувчи воситалар сульфат, ортафосфат кислоталар, алюминий оксидли ва бошқалар иштирокида боради. Сув бир молекула спиртдан (ички молекуляр дегидратланиш) ёки ҳар хил молекула спиртдан ажралиб чиқиши мумкин.



Сув ҳар хил спиртдан ажралиб чиққанда охирги маҳсулот сифатида оддий эфир ҳосил бўлади:

Сув бир молекула спиртдан ажралиб чиққанда охирги маҳсулот сифатида тўйинмаган углеводород ҳосил бўлади. Спиртлардан сувнинг ажралиб чиқиши Зайцев қоидасига мувофиқ бориб, бунда водород энг кам водород тутган углерод атомидан ажралиб чиқади.

Шунга мувофиқ спиртлардан сувнинг ажралиб чиқиш тезлиги қуйидаги тартиб ўзгаради:



Бирламчи спирт < Иккиламчи спирт < Учламчи спирт




Спиртларга галоид водород кислоталар, фосфорнинг, олтингугуртларнинг галогенли ҳосилалари билан таъсир этилганда улардаги гидроксил гуруҳи галогенга алмашинади:


Бу жараён учламчи спиртларда жуда осонлик билан боради, жараён Е₁-механизмига мос келади:
Спиртлардаги гидроксил гуруҳни РCl₅ ёки РCl₃ таъсирида хлорга алмаштириш жараёни қуйидаги схема бўйича боради:

Спиртлардаги гидроксил гуруҳни хлорга алмаштиришда энг қулай таъсир этувчи восита тионилхлорид ҳисобланади:

Бунда ҳосил бўладиган SO₂ ва HCl газ ҳолида ажралиб чиқади, керакли маҳсулот R – Cl жуда осонлик билан тозаланади.

Спиртларнинг оксидланиши. Бирламчи спиртларнингкатализаторлар (мис бирикмалари) иштирокида 300-500⁰С да оксидланиши ёки улардан 100-180⁰С да мис, кумуш, никель, платина каби катализаторлар иштирокида водороднинг тортиб олиш натижасида альдегид, иккиламчи спиртлардан эса кетонлар ҳосил бўлади:

Спиртларнинг оксидланиш жараёни мураккаб бўлиб, бунинг натижасида оксидланиш олиб борилаётган шароитга қараб охирги маҳсулот сифатида турли маҳсулотлар ҳосил бўлиши мумкин.

Спиртлардаги гидроксил гуруҳининг водородини аниқлашда Чугуе-Церевицина-Терентев усулида фойдаланилади. Бунда спиртларга магний органик бирикмалар таъсир эттилганда –ОН-гуруҳ водороди магний галогенга алмашинади ва углеводород ажралиб чиқади:

Ажралиб чиқаётган углеводород миқдорига қараб спиртни аралашмадаги миқдори аниқланади.

Айрим вакиллари ва уларни ишлатилиши. Спиртлар орасида метил ва этил спиртларнинг аҳамияти каттадир. Метил спирти 54⁰С да қайнайдиган суюқлик, ўта заҳарли. Саонатда СО ва Н₂ дан синтез қилинади.

Метил спирти асосан чумоли альдегиди ишлаб чиқаришда, эритувчи сифатида, турли молекулалар таркибига метил гуруҳини киритишда, метил-, диметил- ва триметиламин олишда ишлатилади.

Этил спирти 78,4⁰С қайнайди. Саноатда асосан этилендан ва пентозан сақловчи бирикмалардан олинади. У эритувчи сифатида бутадиен-1,3 олишда ва озиқ-овқат саноатида ишлатилади.

Пропил-, изопропил-, бутил спиртлар сирт актив бирикмалар олишда, альдегид ва кетонлар, мураккаб эфирлар олишда ишлатилади.

4.2. Икки атомли спиртлар (гликоллар)
Тузилишида иккита гидроксил гуруҳи бўлган бирикмалар икки атомли спиртлар ёки гликоллар деб аталади.

Гликолларнинг умумий формуласи С_nH_2n(OH)₂ билан ифодаланади. Бу ерда n  2 бўлиши керак. Чунки СH₂(OH)₂ таркибли спирт мавжуд эмас. Битта углерод атоми иккита гидроксил гуруҳини ушлаб туролмайди, натижада ундан сув молекуласи ажратиб чиқиб, чумоли альдегидини ҳосил қилади. Шунинг учун гликолларнинг гомологик қатори С₂Н₄(ОН)₂ – этилен гликолдан бошланади.

Изомерияси ва номланиши. Глоколларнинг эмперик ва систематик номенклатура бўйича номлаш қабул қилинган. Қуйида биз гликолларни номлашга мисоллар келтирамиз.

Гликолларни систематик номенклатура бўйича номлашда тегишли тўйинган углеводород номи охирига диол қўшимчаси қўшилади ва гидроксил гуруҳлари ҳамда радикалларнинг ҳолатлари рақамлар билан кўрсатилади.

Олиниш усуллари. Гилколлар олишнинг бир неча усуллари маълум. Шулардан айримлари билан танишиб чиқамиз.

1. Гликолларни углеводордларининг вицинал тузилишга эга бўлган икки галогенли ҳосилаларини ёки галоид гидрогенларни гидролизлаб олиш мумкин:




2. Этилен углеводородларини водород пероиксиди ёки калий перманганат иштирокида оксидлаб гликолларни олиш мумкин:



3. Саноатда гилколлар -оксидлар (эпоксид биркмаларга) сув бириктириб олинади:

Физик ва кимёвий хоссалари. Гликолларнинг дастлабки вакиллари ёғсимон суюқликлар, юқори вакиллари эса қаттиқ моддалардир. Уларнинг қайнаш ҳароратлари тегишли бир атомли спиртларникига қараганда юқори. Бунинг сабаби иккала гидроксил гуруҳи ҳисобига водород боғланиш ҳосил бўлишининг кучайиши ҳисобланади. Сувда яхши эрийдилар, ширин таъмга эга.



1. Улар бир атомли спиртларнинг барча кимёвий хоссаларини такрорлайдилар. Улар орасида борувчи жараёнлар босқичли боради. Гликолларнинг кислотали хоссалари бир атомли спиртларникига қараганда юқори. Шунинг учун улар фақат ишқорий металлар билангина эмас, балки ишқорий ер металларининг гидроксид ва оксидлари билан ҳам гликолятларини ҳосил қиладилар:




2. Минерал ва органик кислоталар билан улар тўлиқ ва тўлиқмас эфирларни ҳосил қиладилар:


Шунингдек спиртлар билан ҳам тўлиқ ва тўлиқмас оддий эфирларни ҳосил қилишлари мумкин:

Этилцеллюлозалар бўёқлар, тутамайдиган порох, ацетат ипаги ва бошқаларни олишда эритувчи сифатида ишлатилади.

3. Гликолларнинг оксидланиши натижасида оксиальдегид, оксикислота, диальдегид, альдегидокислота, икки асосли кислота ва бошқалар ҳосил бўлади. Масалан, этиленгилкол оксидланиши натижасида қуйидаги бирикмалар ҳосил бўлиши мумкин:



4. Гликоллардан сувни тортиб олиш ички молекулали ёки молекулалар-аро бориши мумкин. Бунда охирги маҳсулот сифатида жараён олиб борилаётлан шароитга қараб турли бирикмалар ҳосил бўлади:









Этиленгликолни концентрланган сульфат кислота иштирокида қиздирилганда ёпиқ занжирли оддий эфир – диоксан ҳосил бўлади. Бу жараённи 1906 йилда рус олими А.В. Фаворский ўрганган:

1,4-диоксан муҳим эритувчи бўлиб, кимё саноатида кўплаб ишлатилади.

Айрим вакиллари. Этиленгликол 198⁰С қайнайдиган ёғсимон суюқлик, сувда яхши эрийди. У сувнинг музлаш ҳароратини кескин пасайтиради. Унинг сувдаги 60%-ли эритмасининг музлаш нуқтаси –49⁰С га тенг. Шунинг учун у антифризлар тайёрлашда ишлатилади.

Этиленгликол портловчи моддалар, эритувчилар, полимерлар олишда мухим хом ашё бўлиб хизмат қилади. Унинг фтал кислотаси билан ҳосил қилган полимери – лавсан деб аталади. Лавсандан жуда қимматли ҳусусиятларга эга бўлган толалар олинади.

4.3. Уч атомли спиртлар

Уч атомли спиртларнинг биричи вакили глицерин ҳисобланади. Глицерин саноатда ёғ ва мойлардан, пропилен ёки ацетилендан фойдаланиб олинади.

1. Ёғ ва мойлардан глицерин қуйидагича олинади:

Бу ерда R^’, R^’’, R^’’’ = -С₁₅Н₃₁; -С₁₆Н₃₃; -С₁₇Н₃₅.

Ёғлар гидролизи ишқор иштирокида олиб борилганда юқори, ёғ кисоталарининг натрийли тузи – совун ҳосил бўлганлиги учун бу жараённи совунланиш деб қабул қилинган.

2. Пропилендан глицерин олиш қуйидаги босқичлар орқали содир бўлади:

а) Пропиленни юқори ҳароратда хлорлаш. Бу жараён радикал алмашиниш механизми бўйича бориб, хлор қўшбоғнинг узулиши ҳисобига бирикмай, балки пропилендаги метил гуруҳи водороди хлор билан алмашинади:


б) Аллилхлорид гидролизи:



в) Аллил спиртига гидрохлорид кислотанинг бирикиши ва ҳосил бўлган модданинг гидролизи:




Глицеринни аллил спиртига водородпероксид бириктириб ҳам олиш мумкин:

Физик ва кимёвий хоссалари. Глицерин рангсиз, мойсимон суюқлик, ширин таъмга эга. 17⁰С да суюқланади. Зичлиги 1,26 га тенг, сувда яхши эрийди. 290⁰С қисман парчаланиш билан қайнайди. Унинг тузилишида учта гидроксил гуруҳи бўлганлиги туфайли у спиртларнинг барча хоссаларини такрорлайди.

1. Унинг кислоталик хоссаси гликолларникига нисбатан юқори, шунинг учун у темир, мис, кальций каби металларнинг гидроксидлари билан ҳам глицератларни ҳосил қилади.

2. Глицерин галоидводородлар билан таъсир этиб моно-, дигалогенгидринларни ҳосил қилади:

Галоид водород сифатида водород йодид ишлатилганда, жараён бошқача йўналишда боради. Бунда охириги маҳсулот сифатида 2-йодпропан ҳосил бўлади:


Жараёнда иштирок этаётган водород йодид оралиқ модда бўлган 1,2,3-трийод пропанни қайтариб юборади:


Глицерин менарал ва органик кислоталар билан мураккаб эфирларни ҳосил қилади.



Нитроглицерин (глицеринни нитрат кислота билан ҳосил қилган мураккаб эфири) кучли портловчи модда бўлиб, динамитнинг таркибий қисмини ташкил этади. Глицерин сирка кислота билан глицерин триацетатни ҳосил қилади:



4. Глицерин сувни тортиб олувчи воситалар (калий бисульфат, алюминий оксид ива бошқалар) иштирокида қиздирилганда ўзидан икки молекула сувни йўқотиб, тўйинмаган альдегид – акролеинни ҳосил қилади:

Глицерин техникада бўёқлар тайёрлашда, озиқ-овқат саноатида ликерлар, конфетлар, ичимликлар тайёрлашда, портловчи моддалар олишда, табобатда кўплаб ишлатилади.

4.4. Тўйинмаган бир ва кўп атомли спиртлар

Тўйинмаган бир ва кўп атомли спиртларнинг тузилишида гидроксил гуруҳи билан бирга қўшбоғ ва учбоғлар иштирок этади.

Тўйинмаган спиртларнинг гомологик қатори аллил спиртидан бошланади. Чунки винил спирти беқарор бўлганлиги сабабли мавжуд бўлмайди, у тезда сирка альдегидига айланиб кетади:




Тўйинмаган спиртларни эмпирик, рациональ ва систематик номенклатуралар бўйича номлаш мумкин.



Тўйинмаган спиртларни эмпирик, рациональ ва систематик номенклатуралар бўйича номлаш




Тўйинмаган спиртларни тўйинган спиртларни олиш усулларидан фойдаланиб олинади. Масалан. аллил спиртини саноатда аллилхлоридни гидролизлаш орқали олинади:



Пропаргил спирти эса ацетиленга катализатор иштирокида чумоли альдегиди бириктириб олинади:

Бу жараённи шу босқичда тўхтатиб қолиш қийин. Бу жараёнда асосий маҳсулот сифатида бутиндиол ҳосил бўлади.

Тўйинмаган спиртлар кимёвий хоссалари жиҳатдан этилен ёки ацетилен бирикмаларни ҳамда спиртларнинг хоссаларини намоён қиладилар. Масалан, аллил спирти гидроксил гуруҳи ҳисобига оддий ва мураккаб эфир ҳосил қилиши, гидроксил гуруҳи галогенга алмашиниши мумкин. Қўшбоғнинг ҳисобига эса бирикиш жараёнларига киришиши мумкин:

Тўйинмаган спиртлар орасида аллил ва пропаргил спиртининг аҳамияти катта. Улар саноатда турли қимматли бирикмаларни олишда хом ашё сифатида ишлатилади.

Ароматик оксибирикмалар

Ароматик оксибирикмалар иккига – феноллар ва ароматик спиртларга бўлинадилар. Фенолларда гидроксил гуруҳи ароматик ҳалқа билан бевосита боғланган бўлади. Ароматик спиртларда гидроксил гуруҳи ён занжирда жойлашган бўлади.

Маълумки, альдегид ва кетонлар «енол» шаклда беқарор бўлиб, жуда тез карбоксил шаклга ўтиб кетадилар. Феноллар эса асосан енол шаклда мавжуд бўладилар:
Фенолларни енол шаклда мавжуд бўлишлигига сабаб, уларда туташишни кетон шаклдагига қараганда енол шаклда юқори даражада бўлишлиги ҳисобланади.

4.5. Феноллар

Гидроксил гуруҳининг сонига қараб, феноллар бир ва кўп атомли фенолларга бўлинадилар. Фенолларни номлашда эмперик номенклатурадан фойдаланилади ёки уларни тегишли ароматик углеводородларнинг ҳосилалари деб қаралади.

Эслатма: агар радикал бензол ҳалқасининг ўртасига қўйилса, бу унниг о-, м- ва n-ҳолатларда бўлиши мумкинлигини кўрсатади.

Бир атомли феноллар

Олиниш усуллари. Фенол ва унинг гомологлари тошкўмир смоласининг 180-230⁰С қайнайдиган бўлагидан ажратиб орлинади. Фенолларни синтез ёрдамида олишнинг бир неча усуллари ишлаб чиқилган.



1. Ароматик сульфокислота тузларини ўювчи ишқорлар билан қўшиб қиздирилганда феноллар ҳосил бўлади:

Бу усул яқин йилларгача саноатда кенг қўлланилган. Ишқор сифатида ўювчи калийдан фойдаланилганда яхши натижалар олинади.

Фенолнинг ҳосил бўлиш унуми сульфолаш учун олинган бензолга нисбатан 60-70% ни ташкил этади. Жараённи автоклавда ёки оддий реакторларда олиб бориш мумкин. Бунда қўшимча маҳсулот сифатида резоцин (I), флорогюлцин (II) ва n,n-диоксидифенил (III) ҳосил бўлади:
I II III

Натрий фенолятдан фенол унга сув ва СО₂ таъсир эттириб олинади.

2. Саноатда фенол хлорбензолни ўювчи ишқорлар иштирокида гидролизлаб олинади:

Бензол ҳалқаси билан бевосита боғланган хлор қўзғалувчан бўлганлиги сабабли, бу жараённи ўювчи натрийнинг 8%-ли эритмаси ёрдамида 250-300⁰С ва 200 атм (2^.10Па) босим остида олиб борилади. Катализатор сифатида мис металидан фойдаланилади.

3. Изопропилбензол (кумол) оксидланиб, сўнгра концентралган сульфат кислота таъсирида парчаланганда фенол ва ацетон ҳосил бўлади:

Бу жараённинг механизмини қуйидагича тасаввур қилиш мумкин:

4. Фенол ва унинг гомологларини бирламчи ароматик аминлардан диазобирикмалар орқали ҳосил қилиш мумкин:


5. Фенолларни ароматик карбон кислоталарни оксидловчилар иштирокида декарбоксиллаб ҳосил қилиш мумкин:

Бу жараёнда оралиқ модда сифатида салицил кислота ҳосил бўлишлиги аниқланган.

6. Фенолнинг гомологлари фенолни бир атомли спиртлар билан катализаторлар иштирокида алкиллаб олинади.



Бунда алкил феноллар билан (С-алкиллаш маҳсулоти) бирга фенолнинг оддий эфирлари (о-алкиллаш маҳсулоти) ҳам ҳосил бўлади:

Физикавий хоссалари. Фенол – 43⁰С суюқланадиган кристалл модда, сувда қийин эрийди. Сув буғи билан учувчи аралашма ҳосил қилади. Ўткир хидга эга. Сув билан 16⁰С суюқланадиган кристалл гидрат ҳосил қилади, заҳарли. Терига тегса куйдиради.

Кимёвий хоссалари. Феноллар турли кимёвий жараёнларга гидроксил гуруҳи ёки ароматик ҳалқа водородлари ҳисобидан жуда осон кириша оладилар.

1. Фенолларни спиртлар ёки сувга қараганда кислоталик хоссаси катта. Уларнинг кислоталик хоссаси карбонат ёки карбон кислоталарга нисбатан кучсиз.

Агар сирка кислотанинг диссоцалашиш константаси 1,8^.10^–6, карбонат кислотаники 4,9^.10^–16 бўлса, фенолники 1,3^.10^–10 га тенг. Феноллар ўювчи ишқорлар билан фенолятларни ҳосил қиладилар, аммо улар натрий карбонатдан СО₂ ни сиқиб чиқара олмайдилар. Аксинча, феноллар фенолятлардан карбонат кислота ёрдамида ажратиб олинади:

Бу реакциядан фенолларни ароматик спиртлардан фарқлашда фойдаланилади. Агар фенолларда электроакцептор гуруҳлар (масалан, -NO₂, -COOH ва бошқалар) бўлса, улар таъсирда фенолларнинг кислоталик ҳусусият кескин ортиб кетади. Масалан, о-нитрофенолнинг диссоцияланиш константаси 5,8^.10^–8; м-нитрофенолники 5,3^.10^–3; n-нитрофенолники 1,5^.10^–8; 2,4-динитрофенолники 8,3^.10^–5; 2,4,5-тринитрофенолники эса 4,2^.10^–1 га тенг. Юқоридагилардан кўриниб турибдики, 2,4,5-тринитрофенолни кислоталик хоссаси сирка кислотаникига нисбатан 1000 марта катта бўлиб, минерал кислоталарникига тенглашади.

Фенолларнинг кислоталик хоссасини спиртларникига қараганда катта бўлишига сабаб, фенолят анионини ҳосил булиши алкоголят анионига қараганда энергетика жиҳатидан осон бўлишлиги ҳисобланади. Фенолят анионида заряднинг делокалланиши мумкин. Фенолят аниони қуйидаги резонанс ҳолатларда бўлиши мумкин:

Темир феноляти комплекс характерга эга бўлиб, сиёх рангга эга.

2. Фенолятларга галоген алканлар билан мис кукуни иштирокида таъсир этилганда фенолнинг оддий эфирлари ҳосил бўлади.


Фенолнинг оддий эфирлари фенолга диазометан билан таъсир эттирилганда ҳам ҳосил бўлади.

Феноллннинг эфирлари барқарор бирикмалар бўлиб, дезинфек-цияловчи модда сифатида ишлатилади. Инерт эритувчиларда натрий металли ёки натрий амиди билан қўшиб қиздирилганда худди оддий эфирлар каби парчаланади.

3. Фенол этилен оксиди билан полиэтиленгликолнинг фенил эфирини ҳосил қилиб бирикади:




Алкил фенолларнинг этилен оксиди билан ҳосил қилган полиэфирлари сирт актив бирикмалар сифатида ишлатилади.

4. Феноллар карбон кислоталар билан бевосита реакцияга киришмайди. Фенолнинг мураккаб эфирларини олиш учун фенолятларга кислота галоид ангидиридлари билан таъсир эттирилади:

5. Фенолдаги гидроксил гуруҳи галогенга алмашмайди. Агар фенолга фосфор-(III)-хлорид билан таъсир этилса, фосфат кислотанинг фенил эфири ҳосил бўлади.




Агар фенолдаги о- ёки n-ҳолатлардаги водородлар электоакцептор гуруҳлар билан алмашган бўлса гидроксил гуруҳ галоген билан осон алмашинади:



6. Фенол рух кукуни билан қўшиб хайдалганда бензол ҳосил бўлади:

7. Фенолни галогенланганда n-хлор фенол ҳосил бўлади. Хлорлаш давом эттирилганда трихлорфенол ҳосил бўлади.

Галогенлаш давом этирилганда 2,4,4,6-тетрагалоген бензохинон ҳосил бўлиши мумкин:
8. Фенолни нитролаш суюлтирилган азот кислотаси иштирокида осон боради. Бунда, асосан n-нитрофенол, қисман о-нитрофенол ҳосил бўлади.

о-Нитрофенол ички молекуляр водород боғланиш ҳосил қилаганлиги сабабли сув буғи билан учувчан аралашма ҳосил қилади. n-Нитрофенол молекулалари водород боғланиш ҳосил қилганлиги сабабли сув буғи билан учувчан аралашма ҳосил қилмайди. Шунинг учун о–нитрофенол n-нитрофенолдан сув буғи ёрдамида хайдаб ажратиб олинади:

Агар фенолга концентрланган нитрат кислота билан таъсир этилса, у ҳолда охирги маҳсулот сифатида 2,4,5-тринитрофенол – пикрин кислота ҳосил бўлади:

2,4,5-тринитрофенол 122⁰С да суюқланадиган сариқ рангли кристалл модда. Кучли портловчи, аминобирикмаларни тузилишини аниқлашда фойдаланилади.

9. Сульфолаш реакцияси. Фенолга сульфат кислота билан таъсир этиш натижасида реакция шароитига қараб о- ёки n-фенолсульфокислота ҳосил бўлади:




10. Кислота ёки асос катализаторлигида фенол альдегидлар билан бирикиш реакциясига киришади. Агар фенолга чумоли альдегиди билан таъсир этилса дастлаб о- ва n-фенолспиртлар аралашмаси ҳосил бўлади. Бу фенол спиртлар паст ҳароратда сувда эрийдиган, чизиқли тузилишга эга полимер ҳосил қиладилар. Бу полимерларни новолаклар деб аталади.




Новолак



Резолни о- ва n-фенолспиртлардан ҳосил бўлиши.




резол

Резолни қиздирилганда тўрсимон органик ва анорганик эритувчиларда эримайдиган полимер ҳосил бўлади. Уларни резит, баклет С деб аталади.

Бу тўрсимон полимернинг оддий звеносини қуйидагича тасаввур қилиш мумкин.

Олинган резит, бикелит С лар электр ўлчов асбоблари тайёрлашда, машинасозликда кенг қўлланилади. Новолак смолалардан эса елим сифатида фойдаланилади.

Феноллар ароматик альдегидлар билан трифенилметан ҳосилаларни ҳосил қиладилар. Бу гуруҳ бирикмаларидан асосида муҳим бўёқлар олинади:

n,n’- диокситрифенилметан

11. Фенолнинг аллил эфирлари қиздирилганда гуруҳланиш содир бўлади (Кляйзен реакцияси).
Фенолнинг мураккаб эфирлари AlCl₃ иштирокида ароматик оксикетонларга қайта гуруҳланадилар. Ҳарорат оширилиши о-оксикетонни ҳосил бўлишини ортиради (Фриз реакцияси).



12. Фенол оксидловчилар таъсирида осон оксидланиб турли бирикмаларни ҳосил қилиши мумкин. Фенолни водород пероксид билан оксидланганда оз миқдорда икки атомли фенол – перекатехин ҳосил бўлади:


Фенолни хром аралашмаси билан оксидланганда эса парабензохинон ҳосил бўлади.



13. Фенолга катализаторлар иштирокида водород таъсиридан цикло-гексанол ҳосил бўлади:

Циклогексанол капрон, нейлон каби суъний толлалар ишлаб чиқаришда асосий хом ашёлардан бири бўлиб хизмат қилади.

Алоҳида вакиллари. Фенол – 181⁰С қайнайдиган, 43⁰С суюқланадиган кристалл модда. Сувда 15⁰С да 8% эрийди. Сув билан 15⁰С суюқланадиган гидрат ҳосил қилади.

Техникада фенол тошкўмир қатронидан ҳамда изопропил бензолдан олинади.

Фенол – фенол-формальдегид смолалар олишда, табобатда дори-дармонлар ишлаб чиқаришда, бўёқлар, портловчи моддалар олишда ишлатилади. Фенолнинг оддий эфирлари дезинфекцияловчи моддалар олишда қўланилади.



Икки атомли феноллар. Икки атомли феноллар учта изомер кўринишда мавжуд бўладилар:
пирокотехин резорцин гидрохинон

1,2-бензендиол 1,3-бензендиол 1,4-бензендиол

Олиниш усуллари. Икки атомли фенолларни бир атомли фенолларни олиш усуларидан фойдаланиб ҳосил қилиш мумкин. Уларни бензолдисульфокислоталарни ишқорлар билан қўшиб суюлтириб, бензохинонларни қайтариб, аминофеноллардан фойдаланиб олиш мумкин:









Физика-кимёвий ҳусусиятлари. Икки атомли феноллар кристалл моддалар бўлиб сувда яхши эрийдилар.

Кимёвий жиҳатдан улар бир атомли спиртларнинг хоссаларини такрорлайдилар.

1. Икки атомли спиртларнинг кислотали ҳусусияти бир атомли спиртларникига қараганда кучли ифодаланган. Шунинг учун улар фақат ишқорлар билангина реакцияга киришмай, балки тузлар билан ҳам реакцияга кириша оладилар:



2. Икки атомли феноллар электрофил алмашиниш реакцияларига бир атомли фенолларга нисбатан осон киришадилар.








3. Пирокатехин ва резоцин осон оксидланиб 1,2- ва 1,4-бензохинонни ҳосил қиладилар:




4. Икки атомли фенолларда ароматик ҳусусият кам намоён бўлади, шунинг учун улар таутомерияга осон учрайдилар. Масалан, резоцин қайтарилганда дегидрорезоцинни ҳосил қилади:

Алоҳида вакиллари. Пирокатехин 104⁰С да суюқланадиган, 245⁰С да қайнайдиган кристалл модда. FeCl₃ билан кўк ранг ҳосил қилади. Кўп ўсимликлар, шунингдек отнинг пешобида учрайди. Фотографияда ишлатилади.

Резоцин 118⁰С да суюқланадиган, 276⁰С да қайнайдиган кристалл модда. FeCl₃ билан сиёх ранг ҳосил қилади. Муҳим бўёқлар олишда, шунингдек табобатда дезинфекцияловчи восита сифатида ишлатилади.

Гидрохинон 170⁰С да суюқланади. Ўсимликлар таркибида арбутин глукозиди кўринишида учрайди:

Саноатда гидрохинон n-диазопропилбензолни оксидлаб ёки қайтариб ҳосил қилинади.

Гидрохинон хинонни ҳосил қилади. Гидрохинон фотографияда ҳамда мономерларни полимерланишидан сақлашда ингибитор сифатида ишлатилади. Унинг ҳосилалари юқори ҳароратга чидамли полимерлар олишда ишлатилади.



Уч атомли феноллар. Уч атомли феноллар ҳам учта изомер кўринишида мавжуд бўладилар:

пирагаллол оксигидрохинон флорглицин

1,2,3-бензентриол 1,2,4-бензентриол 1,3,5-бензентриол



Уч атомли фенолларни ҳам бир ва икки атомли фенолларни олиниш усулларидан фойдаланиб олиш мукмин. Масалан: оксигидрохинон n-хинондан қуйидагича олинади:

Флороглюцин триаминобензол кислотадан қуйидагича олинади:

Уч атомли феноллар сувда яхши эрийдиган кристалл моддалардир. Улар табиатда кенг тарқалган, табобатда, бўёқлар тайёрлашда кенг қўлланиладилар.

4.6. Ароматик спиртлар

Ароматик спиртларда гидроксил гуруҳи ён занжирда жойлашган бўлади. Ароматик спиртлар олиниш усуллари ва кимёвий ҳусусиятлари бўйича ёғ қатор спиртларга ўхшайдилар. Улар мураккаб эфир кўринишида ўсимлик дунёсида кенг тарқалган. Ароматик спиртлар ёқимли хидга эга бўлганликлари туфайли парфюмерияда қўлланиладилар.



Олиниш усуллари. 1. Ароматик спиртларни ён занжирида галоген атоми турган ароматик углеводородларнинг галогенли ҳосилаларини гидролиз қилиб олиш мумкин:




2. Ароматик ва ёғ қатор альдегидлари аралашмсасига концентрланган ишқор эритмаси билан таъсир этилганда ароматик спирт ва ёғ қатор кислотасининг тузи ҳосил бўлади (Каниццаро реакцияси):




3. Ароматик спиртларни тегишли кетонлар, альдегидлар ёки мураккаб эфирларни қайтариб олиш мумкин:



4. Ароматик спиртларни магний орагинк биркмаларга ёки ароматик углеводородларга органик оксидлар таъсир эттириб ҳам олиш мумкин:







5. Ароматик ядрога нисбатан -ҳолатда гидроксил гуруҳини тутган спиртларни ароматик тўйинмаган кислотлар ёки спиртларни қайтариб олиш мумкин:

Кимёвий ҳусусиятлари. Ароматик спиртлар, юқорида эслатиб ўтганимиздек ёғ қатор спиртларини хоссаларини такрорлайдилар. Улар фенолларга қараганда нейтрал бирикмалар бўлиб, ишқорлар билан реакцияга киришмайдилар. Ишқорий металлар билан алкоголятларни ҳосил қиладилар.



1. Ароматик ҳалқага нисбатан -ҳолатда гидроксил гуруҳи тутган спиртлар галоид водородлар билан осон реакцияга киришади ва гидроксил гуруҳи галогенга алмашинади:




2. Ароматик ҳалқага нисбатан -ҳолатда гидроксил гуруҳи тутган спиртлар осон сувни йўқотиб, ён занжирида углеводород қолдиғини тутган бирикмаларга айланадилар:




Ароматик спиртларнинг кимёвий ҳусусиятларини қуйидаги реакциялар ёрдамида ифодалаш мумкин.

Ароматик спиртлардан бензил спирти ва -фенилэтилспиртининг аҳамияти катта бўлиб, улар парфюмерияда кенг қўлланиладилар.

Назорат саволлари

1. 
   Нимага асосан спиртларни бирламчи-, иккиламчи- ва учламчи спиртларга бўлинади? Мисоллар келтиринг.
   
2. 
   Бирламчи-, иккиламчи- ва учламчи спиртларни қайси реакция ёрдамида фарқлаш мумкин?
   
3. 
   Этерификация реакцияси деб қанадай реакцияга айтилади?
   
4. 
   Спиртларнинг дегидратланиш реакцияси қандай боради?
   
5. 
   Эльтеков қоидаси нимадан иборат?
   
6. 
   Қайси спирт поливинил спирти дейилади?
   
7. 
   Эрленмейер қоидаси нимадан иборат? Ацеталлар қандай моддалар?
   
8. 
   Пинаконлар деб қайси моддаларга айтилади?
   
9. 
   Полиэфирлар қандай моддалар ҳисобланади?
   
10. 
    Глицерат нима? Мисоллар келтиринг.
    

Таянч сўз ва иборалар

Алкаголлар, карбинол, ассоциланиши, этерификация, метанол, этанол, гидролиз спирт, пропанол. Бутил спиртлар: н-бутил спирт, бирламчи изобутил спирт, иккиламчи бутил спирт, учламчи бутил спирт, цетил спирт, церил спирт, мирицил спирт, алкеноллар, Эльтеков қоидаси, винил спирт, аллил спирт, алкиноллар, пропаргил спирт. Икки атомли спиртлар: гликоллар, Эрленмейер қоидаси, , , - гликоллар, целлозолвлар, пиноколин, пиноколин қайта гуруҳланиш, молекулалараро дегидратланиш, этилен гликол, антифриз, диоксан, липид, совунланиш, глицерин.