Korxonalardan tashqari IIT tarkibiga moliya tashkilotlari - tijorat banklari, sug‘urta kompaniyalari, investitsion fondlar va boshqalar kiradi.
IIT tasnifi to‘liq bo‘lishi uchun notijorat tashkilotlar tizimini ham hisobga olish kerak.
Notijorat tashkilot iste’molchilarning kooperativlari, jamoat tashkilotlari, diniy tashkilotlar, xayriya va boshqa fondlar hisoblanadi.
Iste’molchilar kooperativlari deb moddiy va boshqa extiyojlarni qondirish uchun fuqarolarning pay badallari asosidagi ixtiyoriy birlashmalariga aytiladi.
Iste’molchilar kooperativining tadbirkorlik faoliyatidan daromadlari a’zolari orasida taqsimlanadi.
Jamoat va diniy tashkilotlar deb fuqarolarning ma’naviy va boshqa nomoddiy extiyojlarni qondirish maqsadidagi ixtiyoriy birlashmalariga aytiladi. Ular notijorat tashkilotlardir, lekin maqsadlariga erishish uchun tadbirkorlik faoliyati bilan shug‘ullanishlari mumkin. Bu tashkilotlar ishtirokchilarining ushbu tashkilotlar mulkiga huquqi yo‘k.
Fond - ijtimoiy, xayriya, madaniy, ta’lim yoki boshqa maqsadlardagi ixtiyoriy badallar hisobiga tuzilgan notijorat tashkilotdir. Fond ijtimoiy foydali maksadlariga erishish uchun tadbirkorlik faoliyati bilan shug‘ullanishi mumkin.
Do'stlaringiz bilan baham: |
