14. Интернет тармоғи видео материаллари мавзулар

Ўқитиш, илм-фан ва техника ютуқлари намойиши. Интернет тармоғида ўқитиш учун мўлжалланган порталлар кейинги вақтларда кескин кўпайди. ZiyoNET портали бунинг яққол намунасидир.
ZiyoNET жамоат таълим тармоғи 2005 йил ҳукумат қарорларига мувофиқ ташкил топган. ZiyoNET тармоғининг асосий мақсади таълим тизимида республика ёшлари ҳамда таълим олувчиларнинг билим олиш жараёнида ахборот-коммуникация хизматларини тадбиқ этишдир.
ZiyoNET тармоғи Ресурс марказининг асосий вазифалари қуйидагилардан иборат: Таълим муассасаларини улаш мониторинги; Веб-технологиялар орқали ахборот ресурслардан кенг қамровда ва хавфсиз фойдаланиш; Ахборот-таълим ресурсларини бирлаштирадиган технологик майдончани тузиш ва ривожлантириш.
Ёшларни, ўқитувчиларни таълим муассасалари ва таълим соҳасига боғлиқ ёки қизиққан бошқа ижтимоий қатламларни ўзаро бирлаштирадиган виртуал жамиятни яратиш.

Таълим ва ижтимоий муҳим аҳамиятга эга бўлган лойиҳаларнинг Узнетда қатнашиши мақсадида, ZiyoNET тармоғининг ресурс маркази томонидан таълим муассасалари ва ижтимоий муҳим аҳамиятга эга бўлган лойихалар учун бепул хостинг хизмати тақдим этилади.
Ҳукумат қарорларига мувофиқ барча таълим муассасалари (уланиш объектлари) ZiyoNET ягона ахборот-таълим тармоғида бирлашишлари, яъни ZiyoNET тармоғига бирлашиш дастури доирасида интернетга уланишлари шарт.