15- а м а л и й м а ш ғ у л о т юзалар ва инсонларнинг радиоактив зарарланишини ҳисоблаш

15- А М А Л И Й М А Ш Ғ У Л О Т
Юзалар ва инсонларнинг радиоактив зарарланишини ҳисоблаш


Машғулотнинг мақсади: Радиоактив зарарланиш манбалари, радиоактив нурланишнинг ўлчов бирликлари, радиоактив нурларнинг таъсири, нурланиш касаллиги тўғрисидаги маълумотларни ўрганиш ва радиоактив зарарланишни ҳисоблаш бўйича амалий кўникма ҳосил қилиш.


Машғулот режаси:
1.Жойларнинг радиоактив ифлосланиш манбалари
2. радиоактив нурланиш ўлчов бирликлари.
3.Одамларда нурланиш касаллиги.
4.Радиоактив зарарланишни ҳисоблаш:
а) юзалардаги радиокативликни аниқлаш;
б) радиоктив модда тарқалгандан кейин турли вақтлардаги радиация миқдорини
аниқлаш;
в) кишилар радиация таъсиридаги жойларда бўлганда олган нурланиш дозаларини
аниқлаш;


Таянч сўзлар ва иборалар: Радиоактив зарарланиш, глобал, локал, нур касаллиги, кюри, беккерел, гамма нурлар, ионланиш, рентген нурлари, доза бирлиги, доза қуввати, ифлосланиш зичлиги, концентрация, экспозицион база, экспозицион доза, ютилган доза, радиация даражаси.


Топшириқ. Радиокатив нурланиш манбалари ва радиоактив нурлар таъсири натижасида келиб чиқадиган касалликлар тўғрисидаги маълумотлар билан танишинг ва берилган масалаларни ечинг.


Машғулотнинг мазмуни


8.1. Жойларнинг радиоактив ифлосланиш манбалари
Ядро зарядини ташкил қилувчи уран ва плутоний парчаланаётганда, унинг реакцияга кирмай қолган қолдиқлари жойларни, тупроқ элементларини ва ер юзасидаги барча объектларни сунъий радиоактивлик билан ифлослайди. Радиоактив моддалар тарқалган жойдан анча узоқ районларда ҳам сигарет тутуни формасида кўзга кўринмайдиган радиоактив моддалар аста-секин ер юзини қоплайди. Бу РМ ларнинг локаль (жойли) чўкишидир. Ҳаводаги ядро портлаши асосан сунъий кучсиз радиоактив зарарланиш билан характерланади. Бунда ядро портлаши маҳсулотлари тропосферага ва стратосферага кўтарилади, кейин аста-секин ер юзасига тушиб ядро портлаши ўтказилган район кенглигида глобаль (кенглик) чўкишни ҳосил қилади.
Ички ядро ўзгариш жараёнида 36 кимёвий элементларнинг радиоактив изотоплари ўзида мужассамлантирган радиоактив моддалар ҳосил қилади. Портлашнинг қувватига қараб ҳосил бўлган радиоактив моддаларнинг 60 дан 80 % гачаси локаль (жойли) чўкади. Натижада ер усти портлашида ҳосил бўлган йирик эриган заррачалар портлаш марказидан узоқ бўлмаган масофада чўкса, шамол енгил радиоактив чангни узоқ-узоқларга олиб кетиши мумкин. Ер усти портлашларининг 20-40% ва ҳаводаги портлашларнинг ҳамма радиоактив моддалари тропосферага, ҳатто стратосферагача кўтарилиб, ер шари бўйлаб тарқалади, оқибатда аста-секин глобаль чўкиш билан ерга тушади. Радиоактив моддалар тропосферадан 2-4 ойда, стратосферадан эса 5-7 йил мобайнида ерга тушади. Глобаль чўкишлар жойларда локаль чўкишлар билан аралашиб ифлосланиш зичлигини оширади.
Йирик заррачалар портлаш жойидан узоқ бўлмаган масофаларда 20-45 минут, 100 км.дан ортиқ масофада бир неча соат мобайнида ерга тушади. Майда заррачалар ҳавода турганида аэрозоллар ҳосил қилади. Ерга чўккан радиоактив чўкиндилар тупроқни ва бошқа ер юзидаги ҳамма объектларни ифлослайди.
Радиоактив булут қуйидаги зарарловчи нурланишларга эга бўлади:
а) умумий ташқи нурланишни вужудга келтирувчи гамма-нурланишга;
б) ташқи таъсир қилганда терининг радиацион шикастланишини ва овқат ҳазм қилиш ҳамда нафас олиш аъзолари орқали таъсир этиши натижасида нур касаллигини келтириб чиқарувчи бета-заррачаларга;
в) альфа-заррачалар уларни организм ичига ўтиши (кириши) хавфли ҳисобланади.