15-Mavzu: Kasbiy kompetentlikni shakllantirishning didaktik xususiyatlari

Oliy ta’limni mazmunan modernizatsiyalashda asosiy quyidagi vazifalarning bajarilishi nazarda tutiladi:

• 
  oliy ta’limning bakalavriatura va magistratura bosqichlarida “Milliy g‘oya” turkumiga kiruvchi fanlarni o‘qitish ketma-ketligi va uzluksizligini ta’minlovchi yagona Konsepsiyani yaratish, milliy g‘oya, umummilliy qadriyatlarga oid tushunchalarni barcha o‘quv fanlari tarkibiga singdirish;
  
• 
  ta’lim va tarbiyani uyg‘un olib borish, talaba-yoshlarni nafaqat bilimli, balki ma’naviy, axloqiy hamda kasbiy tayyorlangan yetuk shaxs sifatida voyaga yetkazish bo‘yicha ta’sirchan pedagogik choralarni belgilash, buning uchun talaba-yoshlarning tarbiyalanganlik darajasini belgilovchi mezonlarni ishlab chiqib, joriy etish;
  
• 
  ta’lim muassasalarida sog‘lom ijodiy muhitni yaratish, ta’lim va tarbiya jarayoniga ilg‘or innovatsion, pedagogik va axborot texnologiyalarini joriy etish orqali o‘qitish sifatini yangi bosqichga ko‘tarish, talaba-yoshlarning dunyoqarashi, tafakkuri, mustaqil mushohada qilish qobiliyatlarini rivojlantirish;
  
• 
  iqtidorli talaba-yoshlarning qobiliyati va iste’dodini aniqlash, tarbiyalash, ular iste’dodini to‘laqonli ro‘yobga chiqarishning yagona umumilliy tizimini shakllantirish, o‘quv-tarbiya jarayonini individuallashtirish va tabaqalashtirish ilmiy asoslarini yaratish;
  
• 
  o‘quv rejalaridagi turdosh fanlarni integratsiyalash orqali o‘quv yuklamalari ko‘lami va hajmini maqbullashtirish;
  
• 
  oliy ta’lim tizimining bakalavriatura va magistratura bosqichla- rida Davlat ta’lim standartlari, o‘quv reja va dasturlari hamda darsliklarini takomillashtirish, mazmunan uzviylashtirish;
  
• 
  talabalarning Davlat ta’lim standartlari bo‘yicha bilim, ko‘nikma va malakalarini baholashning bakalavriatura va magistratura bosqichlari uchun yagona tizimini yaratish va amaliyotga tatbiq etish;
  
• 
  oliy ta’lim muassasalarida virtual o‘quv-laboratoriya, zamonaviy axborot kommunikatsiya, elektron-texnik va masofadan o‘qitish imkoniyatlarini kengaytirish, darslik, qo‘llanma va o‘quv filmlarining elektron turlarini yaratish va ulardan ta’lim - tarbiya jarayonida samarali foydalanish;
  
  • 
    oliy ta’lim muassasalarida ta’limni boshqaruv tizimi uchun rahbar kadrlarni maqsadli tayyorlashni yo‘lga qo‘yish;
    
  • 
    pedagog xodimlarni tayyorlash, qayta tayyorlash, malakasini oshirish tizimi faoliyatining samaradorligini oshirish, ta’lim muassasa- larini malakali mutaxassislar bilan to‘liq ta’minlash choralarini belgilash;
    
  • 
    pedagogika sohasidagi ilmiy tadqiqotlar ko‘lamini kengaytirish, pedagogik diagnostika, talaba shaxsiga individual yondashishga doir tadqiqotlarga keng yo‘l ochish, ularni har tomonlama qo‘llab- quvvatlash mexanizmini joriy etish;
    
  • 
    bitiruvchilarni mehnat sohalariga joylashuvining monitoringini tashkil qilish;
    
  • 
    indikatorlar tizimi orqali ta’lim sifatini boshqarish mexnizmini yaratish va joriy etish.