17-mavzu. Iqtisodiy oʻsish va milliy boylik reja

5. Oʻzbekistoning iqtisodiy salohiyatdan samarali foydalanishi  

va iqtisodiy oʻsish omillari 

 

Oʻzbekistonda  mustaqillik  yillarida  olib  borilgan  islohotlar  orqali  iqtisodiyotning 

barqaror  oʻsishi  ta’minlandi,  makroiqtisodiy  va  moliyaviy  barqarorlik  mustahkamlandi, 

iqtisodiyot  va  uning  ayrim  sohalari  oʻrtasidagi  mutanosiblik  kuchaydi;  bozor  mexanizmining 

tarkibiy qismlari qaror topdi va uning infratuzilmalari vujudga keltirilib, rivojlantirildi.  

Mamlakatimizda iqtisodiy oʻsishning yuqori sur’atlarini ta’minlanish maqsadida quyidagi 

jarayonlarning amalga oshirilishiga katta e’tibor qaratildi: 

- keng koʻlamdagi tizimli bozor islohotlarini izchil amalga oshirish;  

- xorijiy investitsiyalarni jalb qilish chora-tadbirlarini kuchaytirish; 

- iqtisodiyotda chuqur tarkibiy oʻzgarishlarni amalga oshirish; 

- ishlab chiqarishni modernizatsiya qilish va yangilash; 

- eksportga ixtisoslashgan yangi tarmoq va korxonalarni barpo etish; 

- kichik biznes va xususiy tadbirkorlikni  jadal rivojlantirishga qaratilgan, har tomonlama 

puxta oʻylangan siyosatni amalga oshirish.  

Mamlakatimizda  YaIMning  nafaqat  miqdoran  oʻsib  borishi,  balki  uning  tarkibiy 

tuzilmasining  sifat  jihatidan  takomillashib  borishi  ham  alohida  e’tiborga  molik.  Bunga  uning 

oʻsishiga ta’sir koʻrsatgan omillar tahlili, ya’ni qoʻshilgan ulushlarning tarkibi hamda YaIMning 

oʻsishiga qoʻshgan hissasini koʻrib chiqish maqsadga muvofiqdir.  

Agar 2001-2008 yillardagi YaIMning oʻsish sur’atlarini tahlil qilinsa, bunda sanoat ishlab 

chiqarishining jadal ravishda oʻsishi ham ahamiyatli hissa qoʻshayotganligini kuzatish mumkin.