19-lekciya Tema: Quramalı obiektllerdıń matematikalıq modelleri joba

1. İerarxiyalıq printsipı boyınsha strukturası dúziliw kerek.
İmitaciyalıq sisteması ushın úsh qáddili struktura túrinde dúzgen maqsetke muwapıq boladı.
Birinshi - joqarǵı qáddisi imitaciyalıq sistemanıń mashqalaǵa baǵdardanǵan operatsiyalıq strukturasın(monitorın) anıqlaydı, yaǵnıy sheshiletuǵın máseleler toparın, imitaciyalıq sistemanıń jumıs islew basqıshların, «Adam-EEM» dialogın sholkemlestiriw hám t.b. Sonıń menen birge monitor ekspertlık bahalawlar júrgiziw ushın hám esaplaw variantları boyınsha máseleni restrukturizatsiyalawǵa(strukturasın ózgertiw) múmkinshilik beredi.
Eń tómengi qáddisi processtiń bólek bir matematikalıq modellerin, olardı sanlı sheshiwdiń algoritmlerin, modellestiriwshi obiektl haqqında kórsetpelerdi óz ishine aladı.
Ortanǵı qáddisi joqarǵı hám tomengi qáddiler arasında baylanıstı iske asıradı, olardı qaytadan anıqlaydı. Konkret bir máseleni sheshiw barısında, imitaciyalıq sistemanıń bolek bir blokları arasında informatsiyalıq almasıw iske asırıladı, yaǵnıy tiykarında bul qáddisi imitaciyalıq sistemanıń sistemalıq matematikalıq támiynleniwniń xızmet kórsetiwshi bólegin óz ishine aladı.
2. Modullik principı. Imitaciyalıq sistemanıń elementlik bazası bólek bir modullerden dúzilgen boladı, olar matematikalıq modellerdiń iske asırılǵan programmaları, programmanıń bólek bir bólimleri, úles programmalar hám funktsiyalar boladı. Optimal quramı kóz qarasına, modullerdiń toplamına tiykarǵı talap hár qıylı moduller juplasap kesilispewı. Bul birdey programmalardıń hám olardıń bir bolǵan bolimleriniń bolmawı. Bunday modeller toplamı, máseleniń sheshiminiń algoritmlerin sonday etip dúziwge múmkinshilik beredi, olar EEM-nıń yadın esapqa alǵan mániste, sheshiwge jumsalatuǵın waqıt muǵdarı, esaplawlardıń qáteligi hám sırtqı yadqa qatnas jasaw sanına arata optimal boladı. Bunnan basqa, ol programmanı avtomat túrde sintez etiwge múmkinshilik beredi hám tomendegi basqıshlardı óz ishine aladı:
-máseleniń formal táriypleniwin jasaw;
- máseleniń iske asırılatuǵınlıǵın dálillew;
- alınǵan dálilleniwden programmanı alıw.
Avtomat túrde orınlanatuǵın sintez kelesi printsiptı paydalanıwshıǵa iske asırıwǵa múmkinshilik beredi.