2- laboratoriya ishi. Radiouzatuvchi qurilmaning sxemasini

Tadqiqotlar o`tkazish uchun topshiriqlar
1. Kuchaytirgich kaskadini o`rganish.
1.1. Kirishdagi chastotani o`zgartirib, kuchaytirgich kaskadining amplituda-chastotali va faza-chastotali xarakteristikasini o`lchash. A va B nuqtalaridan ossillogrammani olish(2.2-rasm).
1.2. Kirish signali amplitudasini ishchi chastotaga, kaskad xarakteristikasiga ta’sirini o`rganish. Kuchlanishning mos ossillogrammasini chizish.
2. LC-generatori (E1=0) ishlashini o`rganish.
2.1. LC – konturining generatsiya chastotasini hisoblash.
2.2. O`lchashlarni 2.2-rasmdagi C nuqtada amalga oshiriladi. C5 kondensatorining ta’sirini o`rganiladi. Kuchlanishlar ossillogrammasini ko`rsatilgan masshtabda olinadi. Tashuvchi chastota parametrlarini aniqlanadi.
3. Uzatkichning chiqish signallarini tadqiq qilish.
LC-generatorining ikkita chastotasi uchun tekshirishlar o`tkaziladi.
3.1. Modulyatsiya qilinayotgan signalni shaklining ta’sirini tekshiriladi. Buning uchun generator yordamida kirishga navbatma-navbat turli shakllardagi standart signallar beriladi (to`g’ri burchakli, sinusoidal, uch burchakli). Radiouzatkichning chiqishidan modulyatsiyalangan signalning ossillogrammasi olinadi.
3.2. Har bir ko`rinishdagi modulyatsiyalanayotgan signalni parametrlarga ta’siri tekshiriladi. Buning uchun standart signallar generatori yordamida kirishga navbatma-navbat turli shakllardagi standart signallar beriladi (to`g’ri burchakli, sinusoidal, uch burchakli). Har bir holat uchun generator chiqish signalining amplitudasi, chastotasi o`rganiladi. Radiouzatkichning chiqish signali va modulatsiyalanayotgan signal ossillogrammasi olinadi.


Ishni bajarish tartibi

1. 
   2.2-rasmda ko`rsatilgan sxemani Electronics Workbench dastur paketidan foydalanib yig’ing. Sxemadagi elementlarni belgilab ularning parametrlarini ko`rsating. Generatorning parametrlarini 2.3-rasmda ko`rsatilgandek o`rnating.
   
2. 
   Sxemani ishlashini modellashtirish rejimini ishga tushirib, uning ishlashini tekshiring, ossillografni 2.4-rasmdagidek sozlang. E1 generatorni va ossillografning A kanalini o`chirib, tashuvchi chastota tebranishlarini oling (2.5-rasm).
   
3. 
   Sxema elementlari parametrlarini yuqori chastota generatorining chastotasiga tasirini tekshirib, bajarilgan ish bo`yicha xulosa qiling.
   
4. 
   Ossillografdagi E1 generatorni va A kanalni ulab, sxema elementlari parametrlarini modulyatsiya chuqurligiga ta’sirini tekshiring. Xarakteristikalarni o`tish jarayonlari tugagandan so`ng olish tavsiya qilinadi.