2-lekciya. Tema: Turmıs háreketi qáwipsizliginiń huquqıy tiykarları Jobası

77-statya. Jumısqa qabıl etiwge qoyılatuğın jas. Jumısqa qabıl etiwge 16 jastan jol qoyıladı. 15 jasqa tolğan shaxslar ata-anasınıń biriniń yamasa olardıń ornın basıwshı shaxstıń jasba ráwishte razılığı menen jumısqa qabıl etiliwi múmkin.
18 jasqa kirmegen shaxslardı awır, zıyanlı hám qáwipli miynet sharayatlarında isletiw múmkin emesligi miynet kodeksiniń tómendegi moddasida óz kórinisin tapqan.
241-statya. On segiz jasqa tolmağan shaxslar miynetinen paydalanı qadağalanatuğın jumıslar. 18 jasqa tolmağan shaxslar miynetinen usı klass xızmetkerleriniń salamatlığı, qáwipsizligine zıyan keltiriwi múmkin bolğan miynet sharayatı, qolaysız jumıslarda, jer astı jumıslarındav hám basqa jumıslarda paydalanıw qadağan etiledi.
18 jasqa tolmağan shaxslardıń belgilep qoyılğan normadan artıq awır júk kóteriwleri hám tasıwlarına jol qoyılmaydı.Usı moddaning birinshi bóliminde kórsetilgen jumıslar dizimi hám 18 jasqa tolmağan shaxslar kóteriwleri hám tasıwları múmkin bolğan awır júk normalarınıń shegarası Ózbekstan Respublikası Miynet hám xalıqtı sociallıq jaqtan qorğaw ministrligi hám Ózbekstan Respublikası Den sawlıqtı saqlaw ministrligi Ózbekstan kásiplik awqamları Federatsiyası Keńesi hám jumıs beriwshilerdiń wákilleri máslahatin alğan halda belgileydi.
Awıl xojalığında bularğa pille zavodlarda, tirkeme awıl xojalığı mashinalarında tirkemeshi, paxtanı suwğarıwda, temekini jıynap alıwda, tasıwda hám birlemshi islew beriwde jumsaw qatań qadağalanadı. Quramalı bolmağan tirkeme hám statsionar awıl xojalıq mashinalarında islewde hám xızmet kórsetiwde arnawlı gúwalıqlar talap etiw zárúr bolmağan jumıslarğa, óspirimlerdi 17 jastan jumısqa qabıl etiwge ruxsat etiledi.
Jumıs waqtı hám dem alıw. Jumıs penen támiyinlewshiniń qararı boyınsha ayırım xızmetkerlerdi bólek jağdaylarda ğana, kollektiv shártnaması dúzilip kásiplik awqam komiteti menen kelisilip belgilengen tiykarlar boyınsha dem alıw kúnleri jumıs islewge shaqıradı.
114-statya. Jumıs waqtı túsinigi. Xızmetker jumıs tártibi yamasa grafigine miynet shártnaması shártlerine muwapıq óz miynet wazıypaların orınlawı kerek bolğan waqıt jumıs waqtı esaplanadı.