2– мавзу. Тупроққа асосий ишлов бериш машиналри. Плуглар

2. Тупроқ қатламини ағдармасдан шудгорлаш тизими

Тупроқ қатламини ағдармасдан ишлов бериш тизимида тупроқ қатлами ағдарилмайди, у анғизни сақлаган ҳолда чуқур юмшатилади. Бунда тупроқ шамол эррозиясидан ҳимоя қилинган бўлади. Бундай тизим чўл минтақаларида кўп қўлланилади, эрозия жараёнининг олди олинади, ҳамда намгарчилик кам бўладиган минтақаларда нам тўплаш ва сақлаш усули сифатида кенг фойдаланилади.

3.Тупроқ қатламига минимал ишлов бериш тизими

Тупроқ қатламига минимал ишлов бериш тизими - тупроққа ишлов бериш сони ва чуқурлигини камайтиришни, бир неча технологик операцияни бир пайтнинг ўзида битта агрегатнинг бир ўтишида бажаришни кўзда тутади. Бу тизим тупроқ зичланишини олдини олиш, тупроқнинг трактор ва қишлоқ хўжалик машиналари ғилдираги таъсирида зичланиши ва чангга айланишининг олдини олиш ҳамда тупроқни экишга тайёрлаш муддатини камайтириш мақсадида қўлланилади.

Тупроққа ишлов бериш технологиялари

• Тупроққа анъанавий ишлов бериш.
• Тупроққа минимал ишлов бериш.
• Тупроққа нул ишлов бериш.

Технологияларнинг афзалликлари
ТУПРОҚҚА АНЪАНАВИЙ ИШЛОВ БЕРИШ	ТУПРОҚҚА МИНИМАЛ ИШЛОВ БЕРИШ	ТУПРОҚҚА НУЛ ИШЛОВ БЕРИШ
1.Бегона ўтларни механик усулда йўқотади (тупроқ билан кўмади).  2. Маҳаллий шароитда (кузги шудгор ҳисобига) намликни тўплаш имконини беради.	1. Тупроқнинг сув ўтказувчанлиги ва гранулометрик таркиби яхшиланишига имконини яратади. 2.Уруғларни яхши ва аъло даражада кўмилишини таъминлайди.	1. Тупроқ эрозияга учрашиниь камайтиради. 2.Тупроқ унумдорлигининг тикланишига ёрдам беради.  3.Тупроқда намликнинг сақланишин таъминлайди. 4. Ишлатиладиган техникалар сонини минимал даражада камайтириш имконини беради. 5. Ресурслар иқтисод қилиш имконини беради.  6. Ҳосилининг ортишига олиб келади.  7. Деҳқончиликда таваккалчиликнинг олди олинади.