2-Ámeliy: Azıqlardıń toyimliliǵin sińiriliw dárejesine qarap bahalaw Sabaqtıń maqseti

Racion quramındaǵı toyımli zatlardıń sińiriliw koefficientleri

Kórsetkishler	Muǵdar, kg	Protein, g	May, g	Klet-chatka, g	AEM, g
Qabıl qilinǵan:
Bede pisheni	7	840	210	1680	2520
Mákkejuweri silosi	12	192	48	660	1224
Ǵawishli láblebi	10	130	10	90	950
Biyday kepegi	2	308	64	168	1064
Jámi qabıl qilinǵan		1470	332	2598	5758
Tezek penen ajıralip shiqqan	25	575	150	1300	1500
Sińirilgen		895	182	1298	4258
Sińiriw koefficienti, %		60,88	54,82	49,96	73,95

Azıqlar quramındaǵı barlıq toyımli zatlardıń sińiriliw koefficiyenti anıqlanǵannan keyin ratsion quramındaǵı sińirilgen toyimlı elementler jıyındısı hám protein salıstırması esaplanadı:

HTMY = 895+(182×2,25)+1298+4258=6860,5 g.
Racionniń protein salıstırması tómendegishe boladı:

Usı racion orta protein salıstırması menen xarakterlenedi.
Azıqlardıń sińiriliw dárejesin differensial usılda anıqlaw. Qandayda bir túrdegi azıqtıń sińiriliw dárejesin anıqlaw ushın, bir basqıshda sińiriliwdi úyrenilip atırǵan tájiriybeni ótkeriw jetkilikli bolıp tabıladı, bıraq bir túrdegi azıq penen haywannıń tolıq bahalı azıqlandiriwdi shólkemlestiriwge bolmaydı. Sonıń ushın racion quramındaǵı qandayda bir úyrenilip atırǵan azıqtıń sińiriliw koefficiyentin úyreniw ushın differensial usılda tájiriybe ótkeriledi. Bul usılda tájiriybe eki basqıshda, olar sonnan parıqi birinshi hám ekinshi tájiriybeler racionlarina kirgizetuǵın azıqlar hár túrlı muǵdarda boladı.
Tajriybeler tómendegi sızılma tiykarında alıp barıladı:


Differensial usılında ótkiziletuǵın tájriybeniń sızılması

Tájriybe	Racion quramı	Dáwirler
Birinshi	Tiykarǵı racion	Tayyarlaw, esap qiliw
Ekinshi	Tiykarǵı racionniń 70-80% hám úyrenilip atırǵan azıqtıń 30-20%	Tayyarlaw, esap qiliw

Birinshi tájiriybede racion quramındaǵı toyımli elementlerdıń sińiriw koefficiyentleri úyreniledi, bul ratsionda úyrenilip atırǵan azıq 5-10% (qurǵaq element esabında) kiritiledi.

Ekinshi tájiriybede racionǵa kiritilgen tiykarǵı azıqlar 70-80% (qurǵaq element esabında) kiritilip úyrenilip atırǵan azıq 20 -30% muǵdarında kiritiledi hám toyımli elementlerdıń sińiriw koefficientleri úyreniledi.
Mısalı differensial usılı menen tiri salmaǵı 500 kg, kúnlik sawımi 18 kg sút bergen sawın siyir racioniǵa kiritilgen pishen quramındaǵı toyımlı elementlerdıń sińiriliw koefficiyentlerin anıqlaw kerek. Tiykarǵı ratsionga birinshi hám ekinshi tájiriybelerde 90 g as duzı hám 70 g fosfat kiritilgen. Birinshi náwbette ratsionga kiritilgen azıqalar hám tezektıń ximiyalıq quramı anıqlanadı.