2. Qo‘mita O‘zbekiston Respublikasi Avtomobil yo‘llari davlat qo‘mitasining barcha huquqlari, majburiyatlari va shartnomalari bo‘yicha huquqiy vorisi hisoblanadi

6. Transport vazirligi, Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining quyidagi tartibni o‘rnatish to‘g‘risidagi taklifiga rozilik berilsin, unga muvofiq: umumiy foydalanishdagi avtomobil yo‘llarining ajratilgan mintaqalarida joylashgan yer uchastkalarida va inshootlarida tashqi reklama obʼektlari (konstruksiyalari) Qo‘mita ruxsati asosida quriladi; umumiy foydalanishdagi avtomobil yo‘llarining yo‘l bo‘yi mintaqasidagi yer uchastkalarida ishlab chiqarish, xizmat ko‘rsatish, savdo, servis obʼektlari, shuningdek, tadbirkorlik faoliyati uchun boshqa obʼektlar Qo‘mita bilan kelishuv bo‘yicha joylashtiriladi va quriladi; umumiy foydalanishdagi avtomobil yo‘llarining ajratilgan mintaqalarida joylashgan yer uchastkalarida va inshootlarida tashqi reklama obʼektlari (konstruksiyalari) qurish uchun elektron auksionlar yakunlari bo‘yicha huquq taqdim etishdan tushadigan mablag‘lar, shuningdek, tashqi reklamaning o‘rnatilgan obʼektlari (konstruksiyalari) uchun oylik to‘lovlar 60 foiz miqdorida Qoraqalpog‘iston Respublikasi Moliya vazirligi, viloyatlar va Toshkent shahar hokimliklari bosh moliya boshqarmalari huzuridagi hududiy maqsadli jamg‘armalarga, 40 foiz miqdorida Jamg‘armaga yo‘naltiriladi; umumiy foydalanishdagi avtomobil yo‘llarining yo‘l bo‘yi mintaqasida joylashgan yer uchastkalarida ishlab chiqarish, xizmatlar ko‘rsatish, savdo, servis obʼektlari, shuningdek, tadbirkorlik faoliyatining boshqa obʼektlarini joylashtirish va qurish uchun mazkur yer uchastkalaridan foydalanish huquqini realizatsiya qilishdan tushadigan mablag‘larning 60 foizi Qoraqalpog‘iston Respublikasi Moliya vazirligi, viloyatlar va Toshkent shahar hokimliklari bosh moliya boshqarmalari huzuridagi hududiy maqsadli jamg‘armalarga, 40 foizi Jamg‘armaga yo‘naltiriladi; umumiy foydalanishdagi avtomobil yo‘llarining ajratilgan mintaqalarida joylashgan yer uchastkalarida va inshootlarida tashqi reklamani joylashtirish huquqi uchun yig‘imlardan tushadigan mablag‘lar Jamg‘armaga yo‘naltiriladi.