2-sinf texnologiya darsi dars mavzusi: 4-nazorat ishi

2-SINF TEXNOLOGIYA DARSI

DARS MAVZUSI: 4-nazorat ishi

Bugungi darsimizda: qog’ozni buklash orqali turli o’yinchoqlar yasaymiz.

Darslikning 73-74-sahifalarida berilgan namunalarga qarab, yasaymiz.

Kerakli jihozlar: rangli qog’oz.

Tulkicha yasash
1.Kvadrat shaklidagi rangli qog`oz olinadi.U bitta diagonal bo`yicha ikkiga buklanadi. So`ngra yoyib uni bitta uchi rangli tomondagi diagnalga yetkazib , buklanadi .

2. Hosil bo`lgan shaklning orqasi qog`ozning rangsiz tomoni o`giriladi.Ichkariga buklangan uchining ikki tomoni diagonalga yetguncha buklanadi .

3. Xuddi shunda qolgan ikki tomoni ham diagonalga yetkazib buklanadi.

4. Hosil bo`lgan shakldan tashqari buklangan kvadratning uchta uchidan ikkitasi yani ichkariga buklangan uchining ikki tomonidan uchlari pastga qaratib uning qarshisidagi uchi esa avval chap tomonga keyin shu buklangan uchining o`rtasidan o`ng tomonga qarab buklanadi. Hosil bo`lgan shaklni orqasiga o`girib qaralsa “tulkicha” hosil bo`ladi.

Xo`rozcha yasash:

1 .Kvadrat shaklidagi rangli qog`oz olinadi va uning barcha uchlari kvadrat o`rtasiga qarab buklanadi.

2. Hosil bo`lgan kvadratning orqasi o`giriladi.uning uchlari ham kvadrat o`rtasiga yetkazilib buklanadi. Shunday ish yana bajariladi.

3. Hosil bo`lgan kvadratning uchlari o`rtaga yetkazib buklangan tomonining orqasiga o`giriladi. Va uning qarama qarshi uchlaridagi shakllar to`rtburchak shaklida tashqariga buklanadi.

4. Kvadratni tashqariga buklangan ikki uchidan ushlab uni tashqariga qarab to`nkarilsa, “Xo`rozcha” hosil bo`ladi. So`ng hosil bo`lgan shaklning bir uchini buklash bilan xo`rozchaning tumshug`ini hosil qilish mumkin.

Yasagan tulki, mushuk, xo’rozchalaringizni tabiat bilan uyg’unlashgan holda kompozitsiya yasashingiz tavsiya etiladi.

Aziz bolajonlar, tabiat bilan uyg’unlashgan chiroyli kompozitsiyangizni kutib qolaman.

E’tiboringiz uchun rahmat!