2-tema. Kórkem óner hám mádeniyat salasında slaydshou elementleri jaratıw texnologiyaları

Prezentatsiya (prezentatsiya) — jaratılıp atırǵan slaydlar túrkimi hám onı kórsetiw ushın beriletuǵın fayl atı. Máselen: Prezentatsiya1 — Power Point programması ashılǵanda, zagolovkalar qatarında payda bolıp, jaratilǵan yaki jaratilip atirǵan prezentatsiyań sol waqıttaǵı atı esaplanadı. Bul attı keyinsheli óz qálegenińizshe almastırıwıńız múmkin.
Power Point programmasın iske túsiriw. Bul programmanı iske túsiriwdi Windows jumıs stolınan baslaw zárúr. Jumıs stolındaǵı tómendegi buyrıqlardı orınlaw arqalı programma iske túsiriledi:
«Pusk»—«Programmı»—«Microsoft Power Point»
Esletpe: joqarıdaǵı buyrıqlardı orınlaw mıshtıń shep túymesin basıw arqalı ámelge asırıladı.
Power Point iske túsirilgende ekranda prezentatsiya jaratıw baylanıs aynasın kóriw múmkin.
Bul baylanıs aynası arqalı prezentatsiya jaratıw túrin tańlap alıw múmkin boladı. Tómendegi 4 tiykarǵı bólim berilgen, olardıń hár biri haqqında qısqasha toqtalıp ótemiz.
· «master avtosoderjaniya»— lektor atı, familiyası, tema atı, prezentatsiya túri, uslubı, reńli sizilmasın kiritip, bir neshe slaydttan ibarat bolǵan tayar prezentatsiya shıǵaradı.
· «Shablon prezentatsiy»— prezentatsiya bezew túrin tańlaw hám olarda jumıs alıp barıw imkanın beredi.
· «Pustıe prezentatsiy»— jeke ráwishte prezentatsiya dúziw imkanın beredi.
· «Otkrıt prezentatsiy»— kompyuter yadında hám diskte bar bolǵan kógizbeli fayllardı ashadı..
Hár bir paydalanıwshı programmada jumıs alıp barıwı ushın joqarıdaǵı bólimlerden birin óz maqsetine kóre tańlap aladı. Programma jumısın bos prezentatsiyadan da baslaw múmkin. Bunıń ushın mısh kórsetkishi «Pustaya prezentatsiya» bólimine alıp kelinedi hám «OK» túymesi basıladı. Bunda tómendegi baylanıs aynası payda boladı.
Bul jerde kórsetilgen har bir slaydtı tańlap alıw imkaniyatı bar. Bunıń ushın bagıt túymeleri yaki mıshdan paydalanıw múmkin.
Baylanıs aynasınan kerekli jaǵday, máselen: «Pustoy slayd» kórinisi tańlanadı hám «OK» túymesi basıladı.
Bul ámeller orınlanǵannan soń Power Point programmasınıń tiykarǵı aynası payda boladı. Ol zagolovkalar qatarı, gorizontal menyu, úskeneler paneli («standart», «formatlaw» hám súwretler menen islew), rejim túymesheleri (slaydlar rejimi, strukturalar rejimi, tańlaw rejimi, prezentatsiyalar rejimi) hám jumıs maydandı óz ishine aladı.
Power Point ekranınıń tómengi shep múyeshide jumıs rejimi hám onıń túrearin basqarıwshı túymesheler (piktogrammalar) toparı jaylasqan.
Power Pointtan shıǵıw ushın «Fayl» menyuinen «Vıxod» buyruǵı tańlanadı.

Sawal hám tapsırmalar

1. Power Point qanday programma esaplanadı?
2. Slayd ne? Onda neler jaylastırıladı?
3. Prezentatsiya degende neni túsiesiz? Onnan qay jerlerde paydalanıw múmkin?
4. Power Point programması qanday iske túsiriledi?
5. Prezentatsiya jaratıwdıń neshe túri bar? Olardı kósetip beriń.
6. Jeke ráwishte prezentatsiya jaratıw qanday ámelge asırıladı?
7. Power Point programmasınıń neshe qıylı jumıs rejimi bar? Olarıń hár birin kórsetip beriń.