2-tema. Kórkem óner hám mádeniyat salasında slaydshou elementleri jaratıw texnologiyaları

Arnawlı effektlerdi ornatıw
Arnawlı effektlerdi ornatıw degende prezentatsiyalardı bir slayttan basqa slaydqa ótiw tezlikleri izbe-izligi túsiniledi. Bul funktsiyanı orınlaw ushın Power Point programmasınıń «perexod slayda» atlı baylanıs aynası bolıp, ol gorizontal menyudegi tómendegi buyrıqlar arqalı iske túsiriledi.
«Pokaz slaydov»— «Perexod»
Bul buyrıqlar orınlanǵannan soń ekranda tómendegi ayna payda boladı. Bul aynada jumıs alıp barıw, yaǵniy bir slayttan basqa slayd­qa ótiw eki qıylı usılda alıp barıladı:
1. Mısh túymesin basıw arqalı.Bunda aynanıń shep tómengi bólimindegi «prodvijenie» aynasındaǵı «Po shelchku» aldına belgi qoyıladı.
2. Avtomatik ráwishte (belgilengen waqıttan keyin). Bunıń ushın 1-usıldagi jumıs tákirarlanadı.Tek «Providenie» aynasında «avtomaticheski posle» aldına belgi qoyıladı hám oıń astına slaydlardıń almasıw minutı kiritiledi. Soń «Primenit ko vsem» yaki sol fayldıń slaydların almastırıw ushın «Primenit» buyrıqları tańlanadı.
Úlgi slaydlar. Úlgi slaydlar aynası shrift túrleri, ólshemi, slaydlardıń tiykarǵı elementin birlestiriw usılların óz ishine aladı.
«Vid»— «Obrazets»— «Obrazets slaydov»
Joqarıdagi buyrıqlar orınlansa, tómendegi kórinis payda boladı:
Animatsion effektler
Animatsiya — bul, obektler, kameralar, jarıqlıq dereklerin ózara ornın almashtiriw yaki olardıń parametrlerin waqıt boyınsha ózgeriwine iye bolǵan wazıypa yaki tapsırmalar. Házirgi payıtta kompyuterli grafika qurılmaların qollawdıń usı tarawı kushli rawajlanıwdı bastan keshirmekte. Animatsion grafika ózinde reń, kórinis hám illyustrativ grafika (mashinalıq kórinisler, illyustrativ tekstler, sızılmalar, eskizler hám basqalar) menen isley alıw imkaniyatına iye.
Televizorımız ekranında hár kúni tamasha qılatgın reklama klipleri, túrli multfilmlerdiń kópshiligi áne usı animatsion grafika tiykarında jaratılǵan. Misal ushın Wolt Disney studiyası tárepinen bunnan 50 jıl aldın jaratilǵan «Aqqız hám jeti gnomlar» multfilmi birinshi animatsion lenta bolǵan. Yaki usı kompaniya tárepinen jaratilǵan «Sahibjamal hám maqluq» mult­filmin kópshiligińiz tamasha etkensiz.
Animatsion effektlerdi qollaw ushın formatlaw úskeneleri panelindegi túymesi basıladı. Nátiyjede tómendegi «Effektı animatsiy» úskeneler paneli payda boladı.
Usı úskeneler panelindegi tiykarǵı elementler menen tanısıp shıǵamız.
1. Zagolovka animatsiyası. Bunda animatsiya atı jazıladı.
2. Slayd tekstleriniń animatsiyası. Tekst jazılǵan barlıq slaydlardı ekranda kórsetedi.
3. Kiriw effekti. Bul piktogrammaǵa mısh kórsetkishi keltirip basılǵanan soń, kórsetiw ekranında belgilerdiń shıǵıw tezlikleri payda boladı. Yaǵniy, belgilerdiń izbe-iz tártipte shıǵıwı támiynlenedi.
4. Óshiw effekti. Belgilerdiń kórsetiw ekranında izbe-iz óship túsiwin tamiynleydi.
5. Kamera effekti. Prezentatsiya slaydınıń kórinisin tamiynleydi.
6. Partlaw effekti. Bunda slaydqa jazılǵan informatsiyalarnıń ekranda bir márte payda bolıp, joǵalıw jaǵdayı támiynlenedi.
7. Lazerli effekt. Slaydtaǵı jazıwlardıń óshiw tezligin hám túrli táreplerden óship túsiw parametrlerin ózgertiw piktogramması.
8. Jazıw mashinkası animatsiyası. Bunda kiritilgen belgiler endi jazılıp atırǵan jazıw mashinkasındaǵı kibi payda boladı.
9. Ótip túsiriw effekti. Bunda jaratilǵan slaydtaǵı belgiler bir túyme basılǵansha jasırınıp turadı.
10. Animatsiyalardı sazlaw. Bul piktogramma animatsiyalar parametrlerin ózgertiw ushın xızmet qıladı.
Esletpe: Animatsion effektte islew ushın:
• animatsion effekt qollanıwı kerek bolǵan obekt belgilenedi;
• tańlanǵan animatsion effekt túymeshe (piktogramma)sı basıladı.