2-tema. Kórkem óner hám mádeniyat salasında slaydshou elementleri jaratıw texnologiyaları

2-tema. Kórkem óner hám mádeniyat salasında slaydshou elementleri jaratıw texnologiyaları
Slayd shou jaratılıwma qaratılǵan programmalıq qurallar. Microsoft Power Point programması járdeminde kórkem óner hám mádeniyat tarawına tiyisli materiallar prezentaciyaların jaratıw texnologiyası. Movavi SlaydShou jaratıw programması járdeminde dóretiwshilik slayd shoular, reklama rolikleri jaratıw texnologiyaları.
MICROSOFT POWER POINT PROGRAMMASI. PREZENTATSIYA TÚSINIGI
Reje:

1. 
   Power Point programması haqqında qisqasha maǵlıwmat
   
2. 
   Power Point qa kiriw hám onnan shıǵıw
   
3. 
   Prezentatsiya túsinikgi
   

Microsoft Power Point — universal imkaniyatları keń bolǵan, kórgizbeli grafika ámeliy programmaları qatarına kiredi hám tekst, súwret, sızılma, grafikler, animatsiya effektleri, dawıs, videorolik hám basqalardan quralǵan slaydlardı jaratıw imkanın beredi.
Slayd— málim bir ólshemge iye bolǵan baylanıs betleri esaplanadı. Onda qandayda bir maqset penen jaratılıp atırǵan kórsetiw elementleri jaylasadı.
Slaydlar izbe-izliginen ibarat tayar kórgizbeni kompyuter ekranında, videomonitorda, úlken ekranda kórsetiw múmkin. Kóizbeni shólkemlestiriw — slayd­lar izbe-izligin proektlew hám bezew degeni.
Usınıw informatsiya texnologiyasınıń nátiyjeliligi kóp táepten usınılıp otırǵan shaxsqa, onıń ulıwma madeniyatı, sóylew madeniyatı hám t.b.larǵa baylanıslı ekenligin de umıtpaw lazım.
Power Point programması Microsoft firmasınıń Windows qabıǵı astında jaratilǵan bolıp, usı programma prezentatsiyalar (prezentatsiya qılıw, yaǵniy tanıstırıw) menen islew ushın eń qolay bolǵan programmalıq qurılmalardan biri. Bul programma arqalı barlıq kógizbeli qurallardı jaratıw hám bázı orınlarda bolsa maǵlıwmatlar bazası sıpatında da qollaw múmkin. Ayırım hallarda bul programmadan multimediya qurılmaların basqarıw hám olardı qollap, kórsetiwshi qurılmalarǵa ótkeriw wazıypaların da orınlaw múmkin. Programmadaǵı tiykarǵı túsinikler bu — slayd hám prezentatsiya túsinikleri.